Зміцер Хведарук: Без тугі і без крыўдаў
29.07.2010 12:16
—
Новости Общества
|
Моладзевы лідэр паўтара году служыў у Жодзіне ў чыгуначных войсках. Дэмабілізаваўся ў званні яфрэйтара. Зміцер Хведарук, Іван Шыла і Франак Вячорка былі прызваныя ў беларускую армію пры канцы студзеня 2009 года. Тады гэты прызыў быў расцэнены паплечнікамі як палітычны. Хведарук адзіны з гэтай тройцы, хто адслужыў цалкам, а не быў камісаваны цягам службы. «Наша Ніва»: З якім пачуццём выходзіш з войска? Зміцер Хведарук: Са спакойным. Натуральна, радасць нейкая прысутнічае. Аднак выходжу без усялякай тугі па войску і без крыўду на яго.«НН»: Гэтыя васемнаццаць месяцаў ты хутчэй аднясеш сабе ў плюсы ці мінусы? ЗХ: Штосьці ў плюсы, штосьці ў мінусы. Былі нават адмоўныя моманты, якія дазволілі стаць больш выхаваным, лепш разумець чалавека, чаму ён рабіць так і так. Разам з тым, заставалася пачуццё марнасці салдацкай працы. Разумеце, калі раніцай ты коціш бочку на склад №1, а пасля абеду — на склад №2, з якога першапачаткова яна была ўзятая, то гэта напружвае. «НН»: А што было станоўчае? ЗХ: Было дастаткова часу, каб чытаць. Лічу, што за гэты час у мяне адбыўся духоўны рост. Навучыўся цаніць свой час. Прыйшло разуменне наколькі важна быць з Богам. «НН»: Што будзеш рабіць цяпер? ЗХ: Хачу працягнуць вучобу. Прычым, у Беларусі. Пазней трэба будзе знайсці нейкую падпрацоўку. Яшчэ хочацца пагуляць у футбол у якой‑небудзь аматарскай камандзе. Падзяліцца навіной:
Гутарыў Зміцер Панкавец Чтобы разместить новость на сайте или в блоге скопируйте код:
На вашем ресурсе это будет выглядеть так
Зміцер Хведарук дэмабілізаваўся. Моладзевы лідэр паўтара году служыў у Жодзіне. Дэмабілізаваўся ў званні яфрэйтара.
|
|