У Маладзечне пачаў працаваць банкамат для невідушчых і людзей, якія дрэнна бачаць. 21.by

У Маладзечне пачаў працаваць банкамат для невідушчых і людзей, якія дрэнна бачаць

19.03.2014 15:42 — Новости Общества |  
Размер текста:
A
A
A

Источник материала:

У Маладзечне пачаў працаваць першы банкамат, якім могуць карыстацца невідушчыя і людзі, якія дрэнна бачаць. Банкамат абсталяваны спецыяльнай аўдыёсістэмай і мае на пярэдняй панэлі аўдыёвыхад.

Кліенты могуць падключыць навушнікі і скарыстацца галасавымі падказкамі. Кнопкі на клавіятуры эмбасіраваныя (лёгка адрозніваюцца навобмацак). У спецыяльным рэжыме можна павялічыць памеры літар, лічбаў і сімвалаў на дысплэі на кантрасным фоне.

Банкамат устаноўлены на будынку гандлёвага цэнтра "Спадарожнік", які знаходзіцца недалёка ад ПУП "Энва" ГА "БелТІЗ", дзе працуюць пераважна людзі з праблемамі зроку, у тым ліку інваліды па адпаведных захворваннях.

Просьба ўстанавіць банкамат для невідушчых і тых, хто дрэнна бачыць, прагучала на адной з сустрэч з мясцовымі ўладамі.

Адным з лідараў па рабоце з разліковымі банкаўскімі карткамі з"яўляецца ААТ "Белінвестбанк". Ён абслугоўвае і ПУП "Энва" ГА "БелТІЗ".

- Сацыяльны напрамак дзейнасці - адзін з прыярытэтных для нас, - падкрэсліла намеснік начальніка цэнтра банкаўскіх паслуг №932 г. Маладзечна ААТ "Белінвестбанк" Таццяна Іванаўна Федчанка. - І мы не спыняемся, укараняем новыя формы работы і сучасныя праграмы, даступныя для шырокага кола кліентаў. Спадзяёмся, у Маладзечне з"явіцца яшчэ адзін банкамат для невідушчых і людзей, якія дрэнна бачаць. Мы ўвогуле лічым, што будучыня за безнаяўнымі разлікамі. Яны дазваляюць мабільна і аператыўна кіраваць фінансамі, не выходзячы з дома.

Зрэшты, карыстацца банкаматам могуць усе жадаючыя.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Просьба ўстанавіць банкамат для невідушчых і тых, хто дрэнна бачыць, прагучала на адной з сустрэч з мясцовымі ўладамі.
 
 
 

РЕКЛАМА

Архив (Новости Общества)

РЕКЛАМА


Яндекс.Метрика