Адміністрацыя прэзідэнта выбачылася перад БНФ за выкарыстанне рускай мовы

30.10.2014 12:29 — Новости Общества |

Размер текста:: A; A; A

Источник материала:

Адміністрацыя прэзыдэнта выбачылася перад намеснікам старшыні партыі БНФ Рыгорам Кастусёвым за расейскамоўны адказ на ягоны беларускамоўны зварот. Пра гэта паведамляе прэс-служба партыі.

У першапачатковым звароце палітык прапаноўваў прызначыць на пасаду старшыні Шклоўскага райвыканкаму кандыдата эканамічных навук Пятра Мігурскага, які, на думку Кастусёва, будзе лепей упраўляцца з кіраваньнем гаспадаркай раёну. Акрамя таго, у лісьце называліся факты, якія, як заяўляе Кастусёў, вядуць раённую гаспадарку да разбурэньня.

Рыгор Кастусёў не пасьпеў даслаць скаргу ў адміністрацыю прэзыдэнта на факт парушэньня ёю канстытуцыі і закону аб мовах. Але, кажа палітык, у ведамстве прэзыдэнта ў час спахапіліся і выбачыліся.

У лісьце палітыку адпісалі: "Прыносім свае прабачэнні за паведамленне, накіраванае ў Ваш адрас раней на рускай мове".