Россып талентаў Маларыцкай дзіцячай школы мастацтваў
11.12.2017
—
Новости Общества
|
Два гады таму назад Маларыцкая дзіцячая школа мастацтваў адзначыла свой паўвекавы юбілей. Упершыню навучальная ўстанова адчыніла свае дзверы ў далёкім 1965 годзе і мела выключна музычны накірунак. За 50 гадоў сваёй дзейнасці яна навучыла адчуваць прыгажосць і гармонію больш за тысячу хлопчыкаў і дзяўчынак, некаторыя з якіх і далей прысвяцілі сваё жыццё мастацтву. Сёння з годнасцю можна сказаць, што Маларыцкая дзіцячая школа мастацтваў – адна з лепшых у вобласці навучальных устаноў дадатковай адукацыі дзяцей і моладзі. Тут працуе крэатыўны, улюбёны ў сваю справу калектыў, які складаецца з 39 настаўнікаў. Адметны і той факт, што большасць настаўнікаў школы мастацтваў у свой час самі тут вучыліся. Сёння з задавальненнем наведваюць школу – чароўны храм гукаў, фарбаў, мелодыі і грацыі — 464 вучні. Хлопчыкі і дзяўчынкі тут навучаюцца на інструментальным, мастацкім, харэаграфічным, вакальным, тэатральным аддзяленнях. Нядаўна ў школе пачалі яшчэ выкладаць майстэрства фатаграфіі. Сёння мы вас пазнаёмім з мастацкім аддзяленнем, раскажам пра адораных дзяцей і таленавітых выкладчыкаў, якія рыхтуюць маленькіх мастакоў, адкрываючы ім свет фарбаў, колераў і адценняў. Мастацкае аддзяленне, якое знаходзіцца ў асобным памяшканні, што па вуліцы Піянерскай,7, наведваюць 111 хлопчыкаў і дзяўчынак, з якімі займаюцца пяць вопытных настаўнікаў: Інэса Гаўрылюк, Жанна Крывенка, Дзмітрый Луцык, Аляксандра Машкевіч, Лілія Русавук. Выхаванцы мастацкага аддзялення штогод удзельнічаюць у конкурсах як абласнога, рэспубліканскага, так і міжнароднага ўзроўняў. Каля сямі гадоў выкладае асновы мастацтва і навучае дзяцей ствараць прыгажосць Інэса Гаўрылюк . Як прызналася ў размове настаўніца, яна сама ў свой час наведвала заняткі па выяўленчаму мастацтву, а зараз вучыць дзяцей, як правільна і прыгожа маляваць, ствараць на паперы розныя вобразы. Тое, што Інэса Мікалаеўна ўлюбёная ў сваю справу, адчуваецца з першых хвілін знаёмства з ёй. Яна з захапленнем расказвае пра заняткі жывапісам, дзеліцца поспехамі сваіх вучняў. На ўроках у Інэсы Гаўрылюк вельмі цікава, час пралятае непрыкметна. Мы якраз трапілі на заняткі па жывапісу. Дзеці вучыліся маляваць нацюрморт. Старанна выводзіла лініі прадметаў на паперы дзевяцігадовая Аліна Хапалюк. Дзяўчынка наведвае заняткі з першага класа. Ёй падабаецца адкрываць для сябе свет фарбаў і колераў, напоўненых экспрэсіяй. Мікалай Падалінскі любіць маляваць жывёл, якія ў яго добра атрымліваюцца, захапляецца пейзажамі. Дзеці стараюцца, уважліва слухаюць заўвагі настаўніка. І пасля школы амаль штодзень з радасцю бягуць на ўрокі да Інэсы Мікалаеўны. Жанна Крывенка – адзін са старэйшых выкладчыкаў аддзялення выяўленчага мастацтва. На працягу 17 гадоў яна навучае дзяцей адлюстроўваць думкі, настрой, эмоцыі ў фарбах. Жанна Уладзіміраўна валодае рознымі тэхнікамі і сваё захапленне выяўленчым мастацтвам яна даносіць да цікаўных і няўрымслівых вучняў. — Яны прыходзяць такія непасрэдныя і нявопытныя, — гаворыць з пяшчотай у голасе настаўніца. – Цікава глядзець, як кожны з іх расце літаральна на тваіх вачах. Яны вучацца адрозніваць колеры, перадаваць іх эмацыйную афарбоўку. Дзеці вельмі любяць пленэры. Але іх мы праводзім у цёплую пару года, ранняй восенню або позняй вясной. Наогул, дзеці ўсе здольныя, галоўнае, раскрыць іх магчымасці, знайсці адметнасць і талент у кожным маленькім чалавечку. — Мне падабаецца слухаць, як Жанна Уладзіміраўна расказвае пра градацыю колераў і адценняў, — кажа васьмігадовая Ангеліна Бурштын. – Сёння, напрыклад, на ўроку мы спрабавалі з дапамогай каляровай гамы адлюстраваць цырк. Кожны з нас маляваў вясёлага клоўна, які выступае на цыркавой арэне. Пяць гадоў таму Жанна Уладзіміраўна захапілася старажытным майстэрствам роспісу па тканіне – батыкам. Свае прыгожыя работы яна дорыць сябрам, блізкім і знаёмым, вучыць распісваць тканіну ў рознай тэхніцы. Пра сябе Жанна Уладзіміраўна, сціплая па характары, гаварыць не любіць. Яе жыццёвае крэда — не спыняцца на дасягнутым, а ўвесь час ісці наперад, развівацца і самаўдасканальвацца. У гэтым Жанну Уладзіміраўну падтрымлівае яе дружная сям’я: два сыны-блізняты і дачушка, якая, назіраючы за мамай, таксама вучыцца маляваць прыгожыя і яркія карціны, дзе шмат сонца, радасці і цеплыні. Кацярына Яцушкевіч. Чтобы разместить новость на сайте или в блоге скопируйте код:
На вашем ресурсе это будет выглядеть так
Два гады таму назад Маларыцкая дзіцячая школа мастацтваў адзначыла свой паўвекавы юбілей. Упершыню навучальная ўстанова адчыніла свае дзверы ў далёкім
|
|