80 гадоў на шляху стваральнасці. 21.by

80 гадоў на шляху стваральнасці

Размер текста:
A
A
A
80 гадоў на шляху стваральнасці

Восем дзесяцігоддзяў назад рашэннем першай сесіі Вярхоўнага Савета СССР у ліку іншых была створана і наша Магілёў-ская вобласць, якая ўключала ў сябе 21 раён. Дарэчы, роўна столькі, колькі і зараз. Праўда, у 1944 годзе Бярэзінскі раён увайшоў у склад суседняй Мінскай вобласці. І толькі ў выніку чарговай адміністрацыйнай рэформы 60-х гадоў у склад Магілёўскай вобласці апошнім быў уключаны Глускі раён.
80 год – вельмі многа для аднаго чалавечага жыцця. У гісторыі рэгіёна – гэта проста значны адрэзак часу, багаты на розныя знакавыя падзеі.

У перадваенны час колькасць насельніцтва Магілёўскай вобласці складала паўтара мільёна чалавек. Менавіта тады былі пабудаваны такія буйныя прадпрыемствы, як фабрыка штучнага шоўку, аўтарамонтны завод імя Кірава ў Магілёве, дрэваапрацоўчы завод у Бабруйску, цэментны – у Крычаве, папяровая фабрыка “Спартак” у Шклове і інш.
У працэсе правядзення калектывізацыі ў Прыдняпроўскім краі было аб’яднана звыш 90 працэнтаў сялянскіх гаспадарак.
У гады Вялікай Айчыннай магілёўскі рэгіён паказаў прыклад нябачнай стойкасці і патрыятызму. Велізарных сіл ад жыхароў Прыдняпроўскага краю патрабавала і ўзнаўленне народнай гаспадаркі. Не выпадкова Указам Прэзідыума Вярхоўнага Савета СССР ад 8 ліпеня 1967 года Ма-гілёўская вобласць за актыўны ўдзел у Вялікай Айчыннай вайне 1941-1945 гг. і значныя дасягненні ў рабоце народнагаспадарчага комплексу ўзнагаро-джана ордэнам Леніна.

У 60-70 гады Магілёўшчына стала вобласцю вялікай хіміі. Пачалі выпускаць прадукцыю адзін з буйнейшых у Еўропе камбінат “Хімвалакно” і “Бабруйскшына”.
У 1991 годзе адкрыта новая старонка ў гісторыі вобласці як часткі суверэннай Рэспублікі Беларусь. На долю Прыдняпроўскага краю сёння прыходзіцца амаль дзесятая частка аб’ёмаў прамысловай і каля 15 працэнтаў сельскагаспадарчай прадукцыі краіны.
Асаблівы гонар слаўнай Магілёўшчыны – нашы людзі. Дастаткова звярнуцца да добра вядомых фактаў: 114 ураджэнцаў Магілёўшчыны сталі Героямі Савецкага Саюза , 113 – Героямі Сацыялістычнай працы. Тысячы людзей узнагароджаны ордэнамі і медалямі.
Аб усім гэтым гаварылася ў мінулую пятніцу на афіцыйных урачыстасцях у Магілёве, прысвечаных юбілею, у выступленні старшыні аблвыканкама Уладзіміра Даманеўскага. Была прадстаўлена гэтая тэма і ў вобразных кампазіцыях, якія мовай песеннага і танцавальнага мастацтва былі прадэманстраваны са сцэны абласнога Цэнтра творчасці, дзе і ладзілася даная сустрэча.

Павіншаваць вобласць, яе лепшых працаўнікоў са знамянальным святам прыехалі старшыня Савета Рэспублікі Міхаіл Мясніковіч, віцэ-прэм’ер Міхаіл Русы, іншыя высокапастаўленыя асобы краіны, а таксама прадстаўнікі шэрагу вядучых рэгіёнаў Ра-сійскай Федэрацыі і г. Масквы.
Юбілей – гэта свята для ўсіх і кожнага, хто ў розныя гады ўнёс свой пачэсны ўклад у развіццё вобласці. Вось чаму сярод удзельнікаў урачыстых мерапрыемстваў можна было ўбачыць людзей розных пакаленняў. У многіх з іх на святочных пінжаках і кашулях – узнагароды за бой і за працу.

Зроблена сапраўды вельмі многае. У цяперашні час у рэгіёне рэалізуецца каля 50 буйных інвестыцыйных праектаў, а свабодная эканамічная зона “Магілёў” стала драйверам росту інвестыцый у эканоміку вобласці. Пры гэтым развіваецца не толькі абласны цэнтр, але і рэгіёны.
Па словах Уладзіміра Даманеўскага, вобласць развівае гандлёва-эканамічныя адносіны са 116 краінамі. Толькі за мінулы год геаграфія экспарту расшырылася на 9 новых рынкаў.
“Дзякуючы актыўнай знешняй палітыцы і прасоўванню беларускай прадукцыі на новыя рынкі мы забяспечылі станоўчае сальда знешняга гандлю таварамі і паслугамі, памер якіх па выніках 2017 года наблізіўся да 1 мілярда долараў ЗША. Гэта адзін з лепшых вынікаў у краіне”, -- падкрэсліў Уладзімір Даманеўскі.
Асноўным нашым стратэгічным партнёрам, безумоўна, з’яўляецца Расія. На яе долю прыходзіцца больш 60 працэнтаў усяго экспарту рэгіёна. Разам з тым геа-графія знешніх паставак вобласці з кожным годам пашыраецца, што сведчыць аб канкурэнта-здольнасці беларускай прадукцыі.
З вялікім задавальненнем удзельнікі ўрачыстага пасяджэння ўспрынялі вестку аб аб’яўленні працаўнікам Магілёўскай вобласці Падзякі Прэзідэнта Рэспублікі Беларусь Аляксандра Лукашэнкі за значны ўклад ва ўмацаванне беларускай дзяржаўнасці і ў сувязі з юбілеем. Яе пад гучныя апладысменты прысутных агучыў Міхаіл Мясніковіч, а затым уручыў старшыні аблвыканкама Уладзіміру Даманеўскаму.
Як зазначыць Уладзімір Віктаравіч, Падзяка Прэзідэнта – гэта вельмі вялікая адзнака. Яна гаворыць аб высокім даверы і з’яўляецца стымулам для таго, каб у будучым працаваць яшчэ лепш, тым самым прымнажаючы традыцыі, якія закладзены мінулымі пакаленнямі.
“Магілёўская вобласць сёння ўпэўнена глядзіць у будучыню, -- зазначыў Міхаіл Мясніковіч. – На тэрыторыі рэгіёна рэалізуюцца сур’ёзныя прамысловыя, інавацыйныя праекты.”
Па яго словах, за добрымі паказчыкамі работы ў 2017 годзе, станоўчай дынамікай развіцця Прыдняпроўскага краю стаіць вялікая праца кіраўніцтва вобласці, кіраўнікоў прадпрыемстваў, арганізацый і, безумоўна, усіх працаўнікоў рэгіёна. Адрасуючы цёплыя словы ўсім прысутным у зале, Міхаіл Васільевіч перадаў Прывітальны адрас Савета Рэспублікі, а таксама ўручыў ганаровыя граматы і падзякі заслужаным лю-дзям вобласці.
Прыемна зазначыць, што сярод узнагароджаных быў і наш вядомы зямляк Віктар Кубека – спецыяльны карэспандэнт інфармагенцтва “Магілёўскія ведамасці”.
Ад імя ўраду краіны слова было прадстаўлена з трыбуны святочнай сцэны і намесніку прэм’ер-міністра Міхаілу Русаму. Ён выказаў шчырую удзячнасць тым лю-дзям, якія адстаялі гонар нашай зямлі ў гады Вялікай Айчыннай вайны, узнавілі ў пасляваенны час народную гаспадарку, а ў перыяд навейшай гісторыі здзейснілі велізарны подзвіг, зрабіўшы брэнды вобласці брэндамі краіны.
Ён таксама перадаў Прывітальны адрас і ўручыў лепшым працаўнікам рэгіёна Ганаровыя граматы Савета Міністраў Рэспублікі Беларусь.
Тут да слова трэба сказаць, што ўрачыстыя мерапрыемствы ў Магілёве стартавалі яшчэ дзень назад, у час якіх у аблвыканкаме былі ўшанаваны заслужаныя людзі нашага Прыдняпроўскага краю, якія ўнеслі значны ўклад у развіццё рэгіёна.
За добрасумленную працу, высокі прафесіяналізм і ў сувязі з 80-годдзем з дня ўтварэння Магілёўскай вобласці губернатар Уладзімір Даманеўскі ўручыў Ганаровыя граматы і падзякі прадстаўнікам розных галін дзейнасці. У ліку ўзнагароджаных былі і настаўніца СШ № 1 г. Круглае Наталля Самалазава, аператар машыннага даення з ААТ “Круглянскі Рассвет” Святлана Супіянава.
Кругляншчына заўсёды славілася людзьмі працавітымі. І ўжо ў пятніцу прадстаўнічую дэлегацыю Круглянскага раёна ўзначаліў асабіста старшыня райвыканкама Анатоль Шчуплянкоў. На мерапрыемства, у прыватнасці, былі запрошаны: вадзіцель ААТ “Круглянскі Рассвет” Мікалай Бабарыкін, жывёлавод КСУП “Круглянскі-Агра” Жана Пудзікава, дырэктар ААТ “Круглянскі райаграпрамтэхснаб” Андрэй Сычоў, настаўнік СШ № 1 Алег Галаўкоў, маці-выхавальніца дзіцячага дома сямейнага тыпу Марыя Сапега, начальнік аддзела ЗАГС райвыканкама Наталія Шкапцова, галоўны ўрач цэнтральнай раённай бальніцы Іна Турко. Кожны з гэтых людзей мае ці то ўрадавыя ўзнагароды, ці вышэйшыя адзнакі ведамасных міністэрстваў. Але ў цэнтры асаблівай увагі аказалася ў гэты дзень ветэран працы, заслужаны работнік сельскай гаспадаркі, кавалер ордэнаў Леніна і Працоўнага Чырвонага Сцяга Марыя Арыстава.
Усе члены дэлегацыі прынялі актыўны ўдзел ва ўрачыстым сходзе, а напярэдадні пазнаёміліся з работай выстаў-прэзентацый прадпрыемстваў вобласці, наведалі шэраг устаноў сацыяльнай галіны і вытворчых аб’ектаў г. Магілёва.
Аляксандр ІВАНОВІЧ.
НА ЗДЫМКАХ: удзельнікі мастацкай самадзейнасці Круглян-скага раёна на святочных урачыстасцях; лепшыя жывёлаводы: сённяшні -- Жана Пудзікава і заслужаны ветэран працы Марыя Арыстава; у час наведвання дзіцячага сада №116; цікавая праграма была падрыхтавана і ў СШ №45 г. Магілёва; іх імёны добра вядомы на Кругляншчыне -- настаўнік Алег Галаўкоў і вясковы вадзіцель Мікалай Бабарыкін.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Восем дзесяцігоддзяў назад рашэннем першай сесіі Вярхоўнага Савета СССР у ліку іншых была створана і наша Магілёў-ская вобласць, якая ўключала ў сябе 21 раён....
 
 
 


Архив (Новости Общества)

21.by в социальных сетях

Свежие газеты

14.08.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Днепровская правда (Дуюровно)
Новости Полоцка
Патриот (Ушачи)
Чырвоны прамень
Газета Авангард
Новости Ветки
Лоевский край
Чырвоны Кастрычнiк
Петрыкаускiя навiны
Чачэрскi веснiк
Новости Волковыска
Вороновская газета
Ивьевский край
Полымя
Lida.Info
Лидская газета
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Прамень
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Асiповiцкi край
Новости Хотимска
Новы дзень (Жлобин)
Перамога (Дятлово)
Святло кастрычнiка (Мстиславль)
15.08.2018
Mir24.TV Belarus
Івацэвіцкі веснік
Кобринский вестник
Полесская правда
Пинский Вестник
Міёрскія навіны
Патриот (Ушачи)
Герой працы
Газета Авангард
Новости Ветки
Калiнкавiцкiя навiны
Лоевский край
Чырвоны Кастрычнiк
Петрыкаускiя навiны
Хойницкiя навiны
Чачэрскi веснiк
Новости Волковыска
Вороновская газета
Полымя
Лидская газета
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Смалявiцкi край
Прамень
Маяк Преднепровья
Радзiма
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)

© 2004-2018 21.by
Яндекс.Метрика