ДЗЕ РАСЦВIТАЕ «ДРУГАЯ МАЛАДОСЦЬ»
13.03.2018
—
Новости Общества
|
6 сакавіка ў Бярэзінскім тэрытарыяльным цэнтры сацыяльнага абслугоўвання насельніцтва было шумна і весела, бо тут сабраліся ўдзельнікі клуба “Другая маладосць” на мерапрыемства, прысвечанае Міжнароднаму жаночаму святу – 8 Сакавіка. Як паведаміла вядучая мерапрыемства, загадчыца аддзялення дзённага знаходжання для грамадзян сталага ўзросту Наталля Васільеўна Сікірыцкая, клуб “Другая маладосць” быў створаны на базе аддзялення два гады таму назад і аб’ядноўвае грамадзян толькі 60гадовага ўзросту. У аддзяленні дзейнічаюць тры гурткі: “Глобус” – камп’ютарны гурток (кіраўнік Дана Юозаўна Зяневіч), “Крэатыўнае рукадзелле” для аматараў ствараць прыгожае ўласнымі рукамі (кіраўнік Галіна Міхайлаўна Губіч) і музычны гурток “Нам года – не беда”, кіраўніком якога з’яўляецца добра вядомая ў раёне музыка Тамара Іванаўна Дземяшкевіч. Пачалося святочнае мерапрыемства з прагляду відэапрытчы пра жанчыну. А працягнулася песнямі за салодкім сталом, жартамі, віншаваннямі, гульнямі і танцамі. Асабліва спадабалася жанчынам песня “Наши любимые” ў выкананні мужчынскай паловы клуба пад акампанемент музычнага кіраўніка гуртка “Нам года – не беда” Тамары Іванаўны Дземяшкевіч. Ярка дэманстравала свой талент выканаўцы песень і вершаў Зінаіда Афанасьеўна Барданоўская. Наогул на мерапрыемстве былі шырока прадстаўлены талент і ўмельства ўдзельнікаў усіх гурткоў клуба. Да свята была арганізавана выстава дэкаратыўнапрыкладнога мастацтва, на якой можна было падзівіцца вырабамі ўдзельнікаў гуртка “Крэатыўнае рукадзелле” ў самых розных тэхніках – і паперапляцення, і вышыванкі, і стужкапляцення, і керамічныя вырабы, і інш. Вясной абуджаецца не толькі прырода, а і пачуцці, надзеі, нават дыхаецца лягчэй і на сэрцы больш радасна. І хоць сёлета вясна не спяшаецца ўступаць у свае правы, настрой удзельнікаў мерапрыемства быў святочна прыўзняты і павясноваму цёплы. На здымках: 1. Вядучая мерапрыемства Наталля Васільеўна Сікірыцкая. 2. Пад акампанемент Тамары Іванаўны Дземяшкевіч для жанчын спяваюць (злева направа) Браніслаў Іванавіч Трусевіч, Міхаіл Уладзіміравіч Бандарчык, Мікалай Сцяпанавіч Сцяпанаў. 3. Танцуюць усе. Алена ГРОМАВА. VN:F [1.9.9_1125] please wait... Rating: 0.0/10 (0 votes cast) VN:F [1.9.9_1125] Rating: 0 (from 0 votes) Чтобы разместить новость на сайте или в блоге скопируйте код:
На вашем ресурсе это будет выглядеть так
6 сакавіка ў Бярэзінскім тэрытарыяльным цэнтры сацыяльнага абслугоўвання насельніцтва было шумна і весела, бо тут сабраліся ўдзельнікі клуба “Другая...
|
|