“Чалавек года” – у Маладзечне

Источник материала:

Два прадстаўнікі Уздзеншчыны ўдастоены ганаровага звання “Чалавек года Міншчыны”. 18 красавіка на ўрачыстай цырымоніі ў Маладзечне старшыня Мінскага абласнога выканаўчага камітэта Анатолій Ісачанка ўручыў заслужаныя ўзнагароды дырэктару ТДА “Марк Фармэль” Андрэю СЕРЫКАВУ і аператару па штучным асемяненні жывёлы ААТ “Ліцвяны-Агра” Ірыне ІВАНЕЦ. А ўсяго на Міншчыне такое званне атрымалі 20 чалавек.

У сваім выступленні губернатар адзначыў: “Атрымаць званне “Чалавек года Міншчыны” – гэта вялікі гонар і павага як для самога пераможцы, так і для яго родных, блізкіх. У той жа час гэта накладвае і дадатковую адказнасць: цяпер трэба яшчэ больш працаваць, адпаведна, і паляпшаць свае паказчыкі”.