Сем’ямі і калектывамі. 21.by

Сем’ямі і калектывамі

24.04.2018 — Новости Общества |  
Размер текста:
A
A
A

Источник материала:


У дзень рэспубліканскага суботніка 21 красавіка Прэзідэнт Беларусі Аляксандр Лукашэнка з трыма сынамі працаваў на добраўпарадкаванні Трафімавай крыніцы на сваёй малой радзіме — каля аграгарадка Александрыя Шклоўскага раёна. Вядома, што ў свой час гэту крыніцу ўладкаваў дзед прэзідэнта цясляр Трафім, па яго імені яе і называюць. Усяго ў Магілёўскай вобласці ў суботніку прыняло ўдзел каля 320 тысяч чалавек.

З граблямі і рыдлёўкамі, сякерамі і мяцёлкамі, бензапіламі і трымерамі, пэндзалямі і валікамі, вёдрамі, лясёнкамі і мяхамі выйшлі глушчане на суботнік. Аб’екты былі вызначаны загадзя — па-першае, у адпаведнасці з рэальнай патрэбай у тым ці іншым месцы таго ці іншага віду работ; па-другое, згодна з людской сілай і тэхнікай таго ці іншага працоўнага  калектыву. Так, пераважна “мужчынскія” лясгас, “Жылкамгас”, аддзел па надзвычайных сітуацыях, электрасеткі, дарожнікі, дужая палова аддзелаў райвыканкама высякалі паўз дарогі вакол райцэнтра хмызняк і сухую расліннасць. Асабліва актыўна такія работы вяліся ў так званай “глыбокай даліне”. Задачай жанчын было збіраць і складваць галлё так, каб яго можна было забраць спецыяльным пагрузчыкам.

Амаль усім складам выйшла на суботнік санаторная школа: тэрыторыя там немалая, скамеек, альтанак, кветнікаў на ёй шмат, так што работы хапіла і малым, і дарослым — чысцілі, выграбалі, фарбавалі, перакопвалі, перасаджвалі ўсё, што мела ў гэтым патрэбу. Яшчэ большая тэрыторыя і яшчэ больш работы было ў медыкаў. Толькі ў Глуску на работы выйшла амаль 270 чалавек, яны наводзілі парадак, чысціню і прыгажосць не толькі ў двары бальніцы і паліклінікі, але і вакол яго і нават унутры памяшканняў: бялілі столь на лесвічных пралётах, фарбавалі цокаль будынка, ганкі і эстакаду, пасадзілі маладыя дрэўцы,  акультурвалі дэкаратыўныя кусты. Як паведаміла рэдакцыі галоўны ўрач райбальніцы Ірына Пятрова, прыведзены ў парадак таксама тэрыторыі ўсіх ФАПаў і сельскіх амбулаторый, акрамя таго, частка медработнікаў фарбавала агароджу старых могілак, што па вуліцы Кірава. Прыбралі і акультурылі тэрыторыю сваёй установы, абнавілі фарбы на драўляных жабках-музыках выкладчыкі школы мастацтваў. Працавалі на замацаваных тэрыторыях таксама і агульнаадукацыйныя школы ў райцэнтры і аграгарадках. Што датычыць іншых аб’ектаў у сельскай мясцовасці, то найбольш актыўна, па словах старшыні раённага Савета дэпутатаў Генадзя Ліпскага, работы вяліся на месцах воінскіх пахаванняў і тэрыторыях вакол помнікаў і брацкіх магіл.

Наш фотааб’ектыў засняў, як удзельнікі суботніка рабілі агароджу вакол мыслачанскай фермы РАПТЗ. Завяршэннем рэдакцыйнага рэйду па месцах рэспубліканскага суботніка ў асобна ўзятым Глускім раёне стаў цэнтр Глуска. Тут на сваіх тэрыторыях шчыравалі работнікі раённага Дома культуры, сувязі, міліцыі, кафэ “Галиотис”, а крыху далей — чысцілі і фарбавалі дах гандлёвага цэнтра “Меридиан”. У цэнтральным парку фарбавалі скамейкі работнікі райвыканкама, “Жылкамгаса” і роднай сэрцу карэспандэнта рэдакцыі.

За тры гадзіны на колах і з фотаапаратам у руках мы наведалі больш за дзясятак аб’ектаў, але ж працавалі глушчане ў значна большай колькасці месцаў. Па папярэдніх падліках, у Глускім раёне ў суботніку прыняло ўдзел 4 тысячы 290 чалавек. Агульнымі высілкамі было зароблена 9 тысяч 100 рублёў, а вобласць у цэлым за гэты дзень “напрацавала” на суму каля 800 тысяч рублёў. Палова гэтых сродкаў будзе пералічана Міністэрству фінансаў, астатнія грошы застануцца ў распараджэнні аблвыканкама і будуць накіраваны  на добраўпарадкаванне населеных пунктаў і падрыхтоўку да летняга сезона дзіцячых аздараўленчых лагераў.

Таццяна ЛУКАШЭВІЧ

Фота аўтара

Яшчэ больш фота тут

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У дзень рэспубліканскага суботніка 21 красавіка Прэзідэнт Беларусі Аляксандр Лукашэнка з трыма сынамі працаваў на добраўпарадкаванні Трафімавай крыніцы на...
 
 
 

РЕКЛАМА

Архив (Новости Общества)

РЕКЛАМА


Яндекс.Метрика