Традыцыйная дабрачынная акцыя “Збяром партфель першакласніку” стартавала 1 жніўня
03.08.2018
—
Новости Общества
|
Яе мэта – дапамагчы бацькам падрыхтаваць дзяцей да новага навучальнага года.Летнія канікулы, напэўна, самая доўгачаканая пара для ўсіх школьнікаў. Асабліва тых, хто ўжо правучыўся ў школе некалькі гадоў. А вось для будучых першакласнікаў гэта час чакання чагосьці новага, невядомага і, хутчэй за ўсё, вельмі цікавага. Чарговы жыццёвы этап у іх асацыіруецца з выпрасаванай формай, ручкамі і алоўкамі ў новенькім пенале, самым сапраўдным партфелем… Ды, на жаль, не ўсе сем’і могуць дазволіць сабе падрыхтаваць дзіця да школы самастойна. І тады ім на дапамогу прыходзяць неабыякавыя людзі. – Сёлета ўпершыню сядуць за школьныя парты больш за 60 юных жыхароў раёна, якім патрэбна наша падтрымка. Гэта хлопчыкі і дзяўчынкі з мнагадзетных сямей і дзеці, якія знаходзяцца ў сацыяльна небяспечным становішчы, – гаворыць дырэктар сацыяльна-педагагічнага цэнтра Кацярына СКАРАХОД. – Каб у партфелі кожнага з іх ляжала ўсё неабходнае для паспяховай вучобы, мы запрашаем брагінчан, працоўныя калектывы далучыцца да добрай справы. Больш падрабязна аб акцыі, якая прадоўжыцца да 31 жніўня, можна даведацца па тэлефоне 2-11-37.Больш падрабязна аб дабрачынным мерапрыемстве, накіраваным на збор школьных прыналежнасцей для тых, хто ў гэтым мае патрэбу, можна даведацца па тэлефоне 2-11-37. Акцыя працягнецца да 31 жніўня. Вольга ПАЛЯШЧУК
Главная
| Новости
| Газеты
| Бизнес Инфо
| Справки
| Знакомства
| Знакомства2
| Гороскоп
| Анекдоты
|
© 2004-2020 21.by
|