Асіповічы-Янчжоў: будзем сябраваць. 21.by

Асіповічы-Янчжоў: будзем сябраваць

Размер текста:
A
A
A

8-9 жніўня Магілёўскую вобласць наведала дэлегацыя горада Янчжоў (правінцыя Цзянсу, КНР).

Галоўнымі мэтамі гасцей з Далёкага Усходу стала азнаямленне з эканамічным патэнцыялам Магілёўшчыны і ўстанаўленне больш цесных сувязей паміж Рэспублікай Беларусь і КНР на рэгіянальным узроўні. Знакавым крокам ва ўзгаданым накірунку стала прыняцце ў першы дзень візіту мемарандума аб устанаўленні сяброўскага супрацоўніцтва паміж горадам Янчжоў і Асіповіцкім раёнам.

Старшыня райвыканкама Павел Налівайка і віцэ-мэр гарадской акругі Янчжоў Чэнь Ян сваімі подпісамі пацвердзілі зацікаўленасць абодвух бакоў у развіцці самага шырокага кола партнёрскіх зносін.

Канечне, пакуль рана казаць пра нейкія канкрэтныя справы, але “пункты апоры” для магчымага ўзаемадзеяння акрэсліліся адразу.

Напрыклад, Янчжоў — адзін з дынамічных цэнтраў росту кітайскай індустрыі, у тым ліку металургіі, што адкрывае шляхі супрацоўніцтва з тым жа заводам транспартнага машынабудавання. Гэтае прадпрыемства для далейшага нарошчвання аб’ёмаў вытворчасці вагонаў-цыстэрнаў і танк-кантэйнераў зараз якраз шукае пастаўшчыкоў спецыяльных гатункаў сталі, якія прапануюць прадукцыю па цэнах, ніжэй за еўрапейскія.

У сваю чаргу кітайскі бок высока ацаніў айчынны вопыт захавання навакольнага асяроддзя і турыстычны патэнцыял Беларусі, моцнымі козырамі якога з’яўляюцца гасціннасць людзей і высокая якасць харчовай прадукцыі.

Трэба дадаць, што такія — бясспрэчна пазітыўныя — высновы былі зроблены падчас наведвання менавіта  Асіповіцкага раёна, дзе прадстаўнікі адміністрацыі і кіраўнікі шэрагу буйных прадпрыемстваў горада Янчжоў мелі магчымасць азнаёміцца з дзейнасцю нашай прамысловаці — ААТ “АЗАА” і ЗАТ “АЗТМ”, культуры — раённага гісторыка-краязнаўчага музея, Вяззеўскага СДК і народнага ансамбля “Люлечка”, аб’ектаў аграэкатурызму — Дома паляўнічага ДДЛГУ  “Асіповіцкі доследны лясгас” і аграсядзібы “Краснае”.

Наступны дзень кітайская дэлегацыя правяла ў Магілёве, дзе таксама наведала шэраг суб’ектаў гаспадарання і сустрэлася з мясцовымі дзелавымі коламі.

Трэба адзначыць, што ініцыятарам устанаўлення кантактаў паміж гарадской акругай Янчжоў і Магілёўскай вобласцю стала Генеральнае консульства Рэспублікі Беларусь у Шанхаі.

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Асіповічы-Янчжоў: будзем сябраваць

Фота Настассі МАЦЮШЭНКА і Дзмітрыя САЎРЫЦКАГА.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
8-9 жніўня Магілёўскую вобласць наведала дэлегацыя горада Янчжоў (правінцыя Цзянсу, КНР). Галоўнымі мэтамі гасцей з Далёкага Усходу стала азнаямленне з...
 
 
 


Архив (Новости Общества)

21.by в социальных сетях


© 2004-2018 21.by
Яндекс.Метрика