В прошлом году в Шумилинском районе два человека получили субсидии на открытие своего дела. 21.by

В прошлом году в Шумилинском районе два человека получили субсидии на открытие своего дела

09.04.2019 — Новости Общества |  
Размер текста:
A
A
A

Источник материала:

Субсідыя на адкрыццё сваёй справы

Пытанні занятасці насельніцтва заўсёды з’яўляюцца актуальнымі. Каб падтрымаць беспрацоўных грамадзян, дзяржавай прадугледжаны комплекс розных мер, сярод якіх і субсідыя на адкрыццё сваёй справы. У нашым раёне ў мінулым годзе субсідыі на адкрыццё сваёй справы атрымалі два чалавекі, расказала намеснік начальніка ўпраўлення па працы, занятасці і сацыяльнай абароне райвыканкама Ларыса Жукава. Адзін чалавек выказаў жаданне працаваць у сферы фотапаслуг, другі – па камп’ютарным праграмаванні і кансультаванні.

Па законе заяву аб прадастаўленні субсідыі могуць падаць паўналетнія беспрацоўныя, якія стаяць на ўліку на біржы працы. На гэтым самы просты этап завяршаецца. Каб атрымаць грошы, трэба скласці і абараніць бізнес-план. Калі чалавеку самому напісаць такі дакумент не па сілах, упраўленне па працы, занятасці і сацыяльнай абароне райвыканкама адпраўляе на бясплатныя курсы “Асновы бізнес-планавання” з выплатай на час вучобы стыпендыі.
Між іншым, камісія можа і адмовіць чалавеку ў субсідыі, калі палічыць яго дзейнасць не значнай для раёна. І такі выпадак ёсць. Летась, напрыклад, было адмоўлена грамадзяніну ў выдзяленні субсідыі на адкрыццё справы па выкананні камунальных паслуг.
На якую суму можна разлічваць? У мінулым годзе згодна з заканадаўствам у раёнах з высокім напружаннем на рынку працы (Шумілінскі раён быў у гэтым спісе) памер субсідыі быў роўны 15 бюджэтам пражытачнана мінумуму (у межах 3-х тысяч рублёў). Сёлета гэтая лічба крыху іншая: 11 БПМ для гараджан і 15 БПМ – для вяскоўцаў.
Пры гэтым, падкрэслім, за атрыманыя грошы трэба рабіць справаздачу. Калі бізнесмен “прагарэў” і на працягу 12 месяцаў пасля атрымання субсідыі зноў стаў на ўлік як беспрацоўны, ён павінен вярнуць усю суму субсідыі. Тое ж самае чакае яго і ў тым выпадку, калі ён не ажыццяўляў прадпрымальніцкую дзейнасць больш 6 месяцаў на працягу года пасля дзяржаўнай рэгістрацыі.
Мінулым летам адкрыла сваю справу жыхарка райцэнтра Дар’я Чапурнова. Пасля заканчэння ВНУ Дар’я не знайшла ў раёне работу па спецыяльнасці, а пераязджаць з роднага раёна не хацелася. Дапамогу ў адкрыцці прыватнага бізнесу аказала ўпраўленне па працы, занятасці і сацыяльнай абароне райвыканкама, куды дзяўчына звярнулася ў пошуках работы. Упраўленне адправіла Д. Чапурнову ў Мінск на месячныя курсы па прадпрымальніцтве. Дзяўчына засталася вельмі задаволена вучобай, дзе яна атрымала азы маркетынгу, бухгалтарскага ўліку, статыстыкі і падатковага заканадаўства. Пасля курсаў яна змагла самастойна скласці свой бізнес-план і абараніць яго перад камісіяй.
На выдзеленыя сродкі – амаль 3100 рублёў – прадпрымальніца набыла неабходныя для работы абсталяванне і рэчы. Расходаванне субсідыі павінна было адпавядаць таму, што заяўлена ў бізнес-плане, і абавязкова пацвярджацца дакументамі і чэкамі.
“Для работы набыла МФУ (прынтар-сканер-ксеракс), аб’ектыў, успышку, штатыў, касавы апарат, тэрмінал, электронны ключ для дэкларавання, мэблю, у прыватнасці, стол, стул, крэсла, вешалку, стэлажы, шыльду”, – пералічвае Дар’я. – Фотаапарат у мяне быў свой. Канешне, адной субсідыі на адкрыццё ўласнай справы не хапіла, давялося ўкладваць і асабістыя сродкі. На той жа рамонт памяшкання і на яго арэнду”.
У пачатку верасня Дар’я Чапурнова адкрыла свой фотасалон “Фокус”, які неўзабаве папоўніўся і рознічным гандлем тавараў непрамысловай групы. Наёмных работнікаў у яе няма, сама працуе і за фотамайстра, і за прадаўца. З бухгалтарскімі пытаннямі вельмі дапамагае мама.
Практычна ніякага даходу магазін пакуль не прыносіць, усё што ўдаецца выручыць, ідзе на развіццё бізнесу. “Я думала, што першы час давядзецца працаваць у мінус, але не, выходжу ў нуль, і гэта добра, – прызнаецца Дар’я. – Мне вельмі падабаецца мая справа і тое, чым я займаюся. У мяне шмат заказаў. І на работу кожную раніцу я іду з задавальненнем”. У планах Дар’і працаваць і далей.
Алена КАРПУШЭНКА.
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Субсідыя на адкрыццё сваёй справы Пытанні занятасці насельніцтва заўсёды з’яўляюцца актуальнымі. Каб падтрымаць беспрацоўных грамадзян, дзяржавай...
 
 
 

РЕКЛАМА

Архив (Новости Общества)

РЕКЛАМА


Яндекс.Метрика