Штодзённыя клопаты сельскай улады (Казловіцкі сельсавет). 21.by

Штодзённыя клопаты сельскай улады (Казловіцкі сельсавет)

Размер текста:
A
A
A

Источник материала: Радзiма

Штодзённыя клопаты сельскай улады (Казловіцкі сельсавет)
На фоне вялікіх пераўтварэнняў, якія адбываюцца ў раённым цэнтры, нельга не сказаць пра добраўпарадкаванне ў сельскай мясцовасці. Няхай не так маштабна, як у Глуску, але ж і там ідзе работа па навядзенні парадку. Скажам, на тэрыторыі Казловіцкага сельсавета з пачатку года ўзяліся за выдаленне аварыйных дрэў як у населеных пунктах, так і на грамадзянскіх могілках, расказаў рэдакцыі старшыня сельвыканкама Уладзімір Каблаш. Зразумела, што работа гэта важная і нават тэрміновая, бо нельга чакаць, покуль якое дрэва ад ветру або старасці ўпадзе і наробіць шкоды — папсуе дах ці плот у двары, перагародзіць дарогу, упаўшы на вуліцу, або пашкодзіць помнік ці агароджу на могілках. Таму сельвыканкам заключае дагавор са спецыялізаванай арганізацыяй на выкананне работ (як правіла, для гэтага патрэбна адмысловая тэхніка і спецыяльна падрыхтаваныя людзі), або планавых, або па заяўцы. Такім чынам сяголета па сельсавеце было прыбрана 72 аварыйныя дрэвы: у Зарэччы, Балашэвічах і Кляшчоўцы, а таксама на могілках вёсак Казловічы, Уюнішча, Зелянковічы, Кляшчоўка, Балашэвічы.

Ці трэба казаць, што выгляд вуліцы ў значнай ступені вызначае агароджа двароў, вось чаму яшчэ дзесяць гадоў назад, у 2009-м, пры пераўтварэнні вёскі Засценак Усцярхі ў аграгарадок там памянялі агароджу. Але за гэты час яе драўляная частка значна сапсавалася, месцамі пахілілася і бетонная, таму сяголета ўзяліся за абнаўленне агароджы і на вуліцы Цэнтральнай адрамантавалі 600 метраў.


Штодзённыя клопаты сельскай улады (Казловіцкі сельсавет)
“Бетонную частку агароджы мы, дзе патрэбна, параўнялі, драўляную замянілі на новую, — расказвае Уладзімір Каблаш. — У прыватнасці, апошнія 76 драўляных шчытоў літаральна ў ліпені  нам зрабілі работнікі, накіраваныя ад цэнтра занятасці для выканання грамадскіх аплочваемых работ. Зараз гэтая частка агароджы ўстаноўлена, застаецца толькі пафарбаваць, і ўсё будзе прыгожа. Гэтыя работы мы выконвалі сваімі сіламі, з дапамогай культработнікаў. Дарэчы, работнікі культуры, настаўнікі мясцовай школы дапамагалі нам і ў навядзенні парадку на помніках і ў месцах воінскіх пахаванняў. На тэрыторыі сельсавета іх 21. Трэба сказаць, што яны пастаянна падтрымліваюцца ў добрым стане, сяголета асабліва значныя  работы былі праведзены на помніках у Зелянковічах і Зубарэвічах, туды нават давялося прыцягваць спецыяльную тэхніку, бо стэла там даволі высокая і пафарбаваць яе нейкім іншым чынам не было магчымасці, але агульнымі намаганнямі справіліся”.


Штодзённыя клопаты сельскай улады (Казловіцкі сельсавет)

Штодзённыя клопаты сельскай улады (Казловіцкі сельсавет)
Што да агульных высілкаў у справе навядзення парадку, то іх вынікі і сапраўды маглі б быць больш адчувальнымі і справа ішла б хутчэй, калі б мясцовае насельніцтва больш актыўна і ахвотна прымала ўдзел у грамадскіх работах — ці то ў населеных пунктах, ці то на могілках. Вядома ж, што грамадою любая справа ладзіцца хутчэй ды і весялей таксама.

Але вось якую карціну вясёлай не назавеш пры ўсім жаданні, дык гэта закінутыя селішчы. Па вёсках занядбалыя хаты ледзь не на кожнай вуліцы сустракаюцца, і сельскі пейзаж не ўпрыгожваюць, і суседзям клопат дастаўляюць: у зарасніках разводзяцца вужакі ўсялякія, а пустую хату людзі з нізкай сацыяльнай свядомасцю могуць аблюбаваць для сваіх нецвярозых пасядзелак. Клопат ды й толькі. Па словах кіраўніка справамі Казловіцкага сельвыканкама Марыі Толсцік, на тэрыторыі сельсавета маецца 63 пустуючыя дамы.  На іх знос і рэкультывацыю тэрыторыі сяголета сельскаму выканаўчаму камітэту выдзелена 4,5 тысячы рублёў, уся сума ўжо асвоена: на гэтыя сродкі знесена 2 занядбалыя дамы ў Вільчы і 12 — у Старым Сяле. Работы выконваў мясцовы “Жылкамгас”.

“Пабочныя арганізацыі мы наймаем, калі патрэбны спецыяльныя прыстасаванні або тэхніка, — тлумачыць Уладзімір Каблаш. — Астатняе выконваем самастойна, аб’яўляем суботнікі, дзякуй, некаторыя месцічы адгукаюцца на просьбы. Так, гэтым летам пафарбавалі 80 метраў агароджы на адных могілках у Балашэвічах, на восень, дакладней, на верасень, плануем адрамантаваць, дзе патрэбна, замяніць агароджу на другіх балашэвіцкіх могілках — ні многа ні мала 170 метраў. Спадзяёмся і запрашаем далучыцца і саміх вяскоўцаў”.


Штодзённыя клопаты сельскай улады (Казловіцкі сельсавет)

Штодзённыя клопаты сельскай улады (Казловіцкі сельсавет)

Штодзённыя клопаты сельскай улады (Казловіцкі сельсавет)
У тым, што справы мясцовай уладзе хопіць да зімы, сумненняў не ўзнікае: адных грамадзянскіх могілак тут 16, трэба і агароджы глядзець, і зараснікі выдаляць, смецце вывозіць, прычым не толькі з пляцовак, а і стыхійныя звалкі прыбіраць. На тэрыторыі сельсавета цалкам размешчана адна сельскагаспадарчая арганізацыя, ААТ “Зара Камуны”, і асобныя палеткі РАПТЗ і “Глускай Зары”, ёсць Усцярхоўскі навучальна-педагагічны комплекс, два ФАПы і два магазіны (у аграгарадку і Балашэвічах), дзве клубныя ўстановы і бібліятэкі (Засценак Усцярхі і Старое Сяло). Іх прылеглыя тэрыторыі і адміністрацыйныя будынкі ў большасці сваёй утрымліваюцца ў добрым стане, ёсць паразуменне з іх кіраўнікамі, адзначае Уладзімір Каблаш, таксама і вяскоўцы ў асноўным стараюцца даглядаць свае селішчы, дамы, двары. Бо ўсім жа, мабыць, хочацца, каб побач і навокал было акуратна і прыгожа. Але ж аднымі толькі жаданнямі справа не рухаецца, тут і сродкі патрэбныя немалыя, і высілкі агульныя. Таму што ёсць, што робім, тое і маем.


Штодзённыя клопаты сельскай улады (Казловіцкі сельсавет)
Таццяна ЛУКАШЭВІЧ

Фота прадастаўлена сельскім Саветам і Ганны АЎТУХОВАЙ

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
На фоне вялікіх пераўтварэнняў, якія адбываюцца ў раённым цэнтры, нельга не сказаць пра добраўпарадкаванне ў сельскай мясцовасці. Няхай не так маштабна, як у...
 
 
 


Архив (Новости Общества)

21.by в социальных сетях



Партнёры

© 2004-2019 21.by
Яндекс.Метрика