У Глуску пасля капітальнага рамонту адкрылася гімназія. 21.by

У Глуску пасля капітальнага рамонту адкрылася гімназія

03.09.2019 — Новости Общества |  
Размер текста:
A
A
A

Источник материала:


Так выпала, што сяголета новы навучальны год пачаўся не ў першы дзень восені, як звычайна, а на дзень пазней, 2 верасня. Але такое каляндарнае прамаруджванне ніколькі не зменшыла радасці ні дзецям, ні педагогам ад сустрэчы адзін з адным, з калегамі і сябрамі, у школьных калідорах і класах весела і звонка загучалі іх галасы.











Адукацыйную прастору Глускага раёна складаюць 18 устаноў: гімназія, дзве школы, чатыры навучальна-педагагічныя комплексы дзіцячы сад — сярэдняя школа, адзін НПК дзіцячы сад — базавая школа, тры яслі-сады, адзін дзіцячы сад, а таксама Цэнтр творчасці, дзіцяча-юнацкая спартшкола, фізкультурна-спартыўны клуб, Цэнтр карэкцыйна-развіваючага навучання і рэабілітацыі, сацыяльна-педагагічны цэнтр і раённы вучэбна-метадычны кабінет. Сяголета школы і дзіцячыя садкі будуць наведваць каля 1420 вучняў, першакласнікамі сталі 146 хлопчыкаў і дзяўчынак. Першыя званкі, якія прагучалі для іх на ўрачыстых лінейках, далі пачатак новаму навучальнаму году. Дзяцей і настаўнікаў віталі і віншавалі ганаровыя госці, шэфы, бацькі.















Двайную радасць гэтым разам адчулі і адзначылі двайное свята ў гімназіі Глуска: новы навучальны год яна пачынае ў абноўленых сценах, у абноўленым сучасным інтэр’еры. Капітальны рамонт яны перажылі разам, настаўнікі, дзеці, іх бацькі, і разам здолелі ў няпростых умовах захаваць галоўнае — высокую якасць навучання, падкрэсліў у сваім прывітальным слове дырэктар гімназіі Сяргей Сяргееў, сведчаннем таму сталі вынікі паступлення: 72 працэнты выпускнікоў-гімназістаў сталі студэнтамі самых розных ВНУ. З радасцю прымае ўстанова і сваіх новых вучняў — 46 першакласнікаў, няма сумнення, што і яны ў свой час дадуць падставы для гонару. А пакуль кіраўнік выказаў падзяку раённай уладзе, аддзелу па адукацыі, спорце і турызме, усім настаўнікам, работнікам, вучням гімназіі, бацькам за агульную працу падчас рамонту і яе дастойны вынік. Самым актыўным старшакласнікам, юнакам, дырэктар уручыў Падзякі і салодкі падарунак. Не менш стараліся і вучаніцы-старшакласніцы, яны за лета для гімназіі пашылі ўсе шторы і абрусы і гэтым таксама заслужылі падарункі: новую швейную машынку і шматфункцыянальны манекен, якія на лінейцы настаўніцы абслугоўваючай працы Аксане Грыгор’евай перадала начальнік аддзела па адукацыі, спорце і турызме Святлана Лісіца і павіншавала ўвесь калектыў і з наваселлем, і са святам Ведаў.

















Каб дзеці вучыліся і настаўнікі працавалі ў годных умовах, у нашай краіне робіцца шмат, падкрэсліў на лінейцы старшыня Глускага раённага выканаўчага камітэта Сцяпан Чачуха, на ўтрыманне ўстаноў адукацыі затрачана каля 8 мільёнаў рублёў, з іх 5,6 мільёна — сродкі рённага бюджэту. І прыемна бачыць, што ўсё гэта не дарма: радуюць поспехі сяголетніх 117 выпускнікоў, абнадзейвае прыход у школы раёна 146 першакласнікаў. Кіраўнік раёна пажадаў вучням цікавых адкрыццяў і поспехаў у вучобе, настаўнікам — дапытлівых вучняў, цярпення і ўзаемаразумення — бацькам. Ад раённага выканаўчага камітэта падарункам гімназіі стала інтэрактыўная дошка, патрэбныя для работы з дзецьмі падарункі таксама атрымалі Цэнтр творчасці і сацыяльна-педагагічны Цэнтр. Адметны падарунак — ад Прэзідэнта Рэспублікі Беларусь Аляксандра Лукашэнкі — кнігу “Беларусь — наша Радзіма” атрымалі ўсе першакласнікі.



















З прывітальнымі словамі на ўрачыстай лінейцы да гімназістаў і іх педагогаў звярнулася Святлана Шутава, намеснік старшыні Магілёўскага абласнога Савета дэпутатаў, галоўны рэдактар інфармацыйнага агенцтва “Магілёўскія ведамасці”, уручыўшы сертыфікат на 1,5 тысячы рублёў і падпіску на выданні інфармагенцтва, Святлана Аляксандраўна павіншавала з Днём ведаў і пажадала новых поспехаў і перамог. Атрымліваць не толькі добрыя адзнакі, але і трывалыя веды пажадаў гімназістам ганаровы грамадзянін Глуска Навум Сандамірскі. Пажаданні паспяховай вучобы, добрага настрою, цікавай і бяспечнай дарогі па краіне Ведаў выказалі вучням дырэктар УКП “Жылкамгас” Уладзімір Жэлдак і начальнік РАНС Андрэй Камінскі, ад бацькоў першакласнікаў з прывітальным словам выступіла Наталля Барадзіна. Не засталіся ўбаку і першакласнікі: выканаўшы вясёлую песеньку і выразна прачытаўшы вершы, яны даказалі ўсім, што да вучобы гатовы і ўжо чакаюць першага званка. Яго залівісты голас і абвясціў пачатак 2019/2020 навучальнага года.

Т. ЛУКАШЭВІЧ

Фота Г. АЎТУХОВАЙ

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Так выпала, што сяголета новы навучальны год пачаўся не ў першы дзень восені, як звычайна, а на дзень пазней, 2 верасня. Але такое каляндарнае прамаруджванне...
 
 
 

РЕКЛАМА

Архив (Новости Общества)

РЕКЛАМА


Яндекс.Метрика