Абвешчаны «сцэнарый» выбарчай кампанii

Источник материала:

Сёння выбарчая кампанiя знаходзiцца на першым сваiм этапе — iдзе вылучэнне кандыдатаў у склад тэрытарыяльных выбарчых камiсiй. У нашай краiне 1679 мясцовых Саветаў, адпаведна, такая ж колькасць камiсiй i будзе сфармiравана. Натуральна, большая частка мясцовых Саветаў — невялiкiя сельскiя i пасялковыя (1446 i 78 адпаведна). Гарадскiх Саветаў гарадоў раённага падпарадкавання — 11, 20 — гарадоў абласнога падпарадкавання, 117 раённых i 7 Саветаў (адпаведна i камiсiй) будуць мець абласны ўзровень (6 абласных цэнтраў i горад Мiнск). Гэты этап завершыцца 3 снежня. Такiм чынам, палiтычныя партыi, грамадскiя аб’яднаннi, працоўныя калектывы i грамадзяне будуць мець дастаткова часу, каб вылучыць сваiх кандыдатаў у склад камiсiй. Старшыня Цэнтрвыбаркама падкрэслiла, што адпаведны Указ прэзiдэнта аб выбарах у адпаведнасцi з законам мог з’явiцца i значна пазней, нават 2 снежня. У такiм разе на вылучэнне кандыдатур засталося б толькi два днi.

— Кiраўнiк дзяржавы стварыў спрыяльныя ўмовы для таго, каб камiсii былi сфармiраваны, i для таго, каб усе палiтычныя сiлы змаглi не толькi падрыхтавацца да выбараў, але i вылучыць кандыдатаў у склад выбарчых камiсiй, — адзначыла Лiдзiя Ярмошына.

Самы iнтэнсiўны перыяд выбарчай кампанii — вылучэнне кандыдатаў у дэпутаты — пачнецца з 22 снежня i завершыцца 20 студзеня. Адбываецца вылучэнне трыма спосабамi. Першы — кандыдатаў вылучаюць мясцовыя кiруючыя органы палiтычных партый. Праўда, у партыйным вылучэннi ёсць адзiн нюанс — у вылучэннi кандыдатаў могуць удзельнiчаць толькi афiцыйна зарэгiстраваныя ў органах юстыцыi структурныя падраздзяленнi.

Другi спосаб вылучэння кандыдатаў — па iнiцыятыве працоўных калектываў колькасцю не менш за 150 чалавек у абласныя цi Мiнскi гарадскi Саветы, колькасцю не менш за 75 чалавек — у раённыя i гарадскiя Саветы. Пры гэтым працоўныя калектывы могуць адносiцца да прадпрыемстваў, якiя не з’яўляюцца юрыдычнымi асобамi. Трэцi спосаб самы папулярны i эфектыўны (дазваляе займацца агiтацыяй ужо на момант вылучэння) — вылучэнне шляхам збору подпiсаў. Для таго каб стаць кандыдатам у дэпутаты Мiнскага гарадскога цi абласнога Савета, дастаткова сабраць 150 подпiсаў, для раённага цi гарадскога ўзроўняў — 75, для сельскага ўзроўню — 20 подпiсаў. Трэба засяродзiць увагу на тым, што грамадскiя аб’яднаннi ў вылучэннi кандыдатаў у дэпутаты не ўдзельнiчаюць.

З 20 па 30 студзеня адбудзецца рэгiстрацыя кандыдатаў у дэпутаты.

Старшыня Цэнтрвыбаркама паведамiла, што зараз камiсiяй рыхтуецца чарговая пастанова — «Аб выкарыстаннi дзяржаўных сродкаў масавай iнфармацыi для правядзення перадвыбарнай агiтацыi i прапаганды». Аднак яна не будзе прынята без кансультацый са спецыялiстамi.