Беларускiя гадзiннiкi з дазiметрам карыстаюцца попытам нават у Японii

Источник материала:

Пасля Чарнобыля

Паводле слоў дырэктара iнстытута радыялогii Уладзiмiра Агейца, гадавы эканамiчны эфект ад правядзення пераспецыялiзацыi сельскагаспадарчых прадпрыемстваў Брагiнскага, Хойнiцкага i Чачэрскага раёнаў ацэньваецца ў 4,4 мiльярда рублёў (што, дарэчы, перавышае агульны аб’ём фiнансавання ўсёй «чарнобыльскай» навукi). У вынiку ўкаранення распрацовак за апошнiя тры гады ў Магiлёўскай вобласцi поўнасцю вырашана праблема атрымання нарматыўна чыстага харчовага збожжа. А аптымiзацыя працэсу вытворчасцi кармоў i рэгулявання воднага рэжыму на мелiяраваных палетках Брэстчыны дазваляюць значна змяншаць забруджванне сельскагаспадарчых культур.

У Беларусi створана практычна ўся неабходная лiнейка якасных i адносна танных прыбораў айчыннай вытворчасцi для кантролю радыяцыйнага забруджвання i доз апраменьвання. Яны адпавядаюць сучасным сусветным стандартам. Усяго выпушчана каля 6 тысяч прыбораў 30 найменняў. Iх агульны кошт складае звыш 6 мiльёнаў долараў. Прыборамi не толькi поўнасцю забяспечваецца ўнутраная патрэба, яны пастаўляюцца i на экспарт — у краiны СНД, Аўстрыю, Францыю, Iталiю, Германiю, Iспанiю, ЗША, Вялiкабрытанiю, Тайвань, Кiтай. Патэнты на асобныя айчынныя распрацоўкi (дазiметр, якi сумяшчаецца з наручным гадзiннiкам) закупляюцца нават у Японii.