Рэха тэракта ў Егiпце дакацiлася да Беларусi

Источник материала:

Гэту iнфармацыю афiцыйна пацвердзiла прэс-служба Мiнiстэрства замежных спраў нашай краiны. Паводле слоў начальнiка ўпраўлення iнфармацыi МЗС Андрэя Папова, зараз арганiзацыяй дастаўкi на радзiму цела Аляксандра Шлыка займаецца консульская служба пасольства Беларусi ў Егiпце.

Нагадаем, што вечарам 24 красавiка на егiпецкiм курорце Дахаб прагрымелi адразу тры выбухi — у рэстаране, кафэ i супермаркеце. Праваахоўныя органы лiчаць, што як мiнiмум два з трох выбухаў былi здзейснены тэрарыстамi-смяротнiкамi, магчыма, з баявых арганiзацый, што ўваходзяць у склад «Аль-Каiды». Адказнасць за тэракт пакуль не ўзяла нiводная з такiх арганiзацый, але з 2004 года гэта ўжо трэцi тэракт на Сiнайскiм паўвостраве. Апошнiя даныя Мiнiстэрства аховы здароўя Егiпта сведчаць, што загiнулi 22 чалавекi i амаль 100 атрымалi раненнi. Сярод пацярпеўшых каля 30 чалавек — замежныя грамадзяне, у тым лiку з Расii, Данii, Вялiкабрытанii, Германii, Iталii, Лiвана, Францыi, Iзраiля, ЗША, Аўстралii, Палесцiны i Паўднёвай Карэi.

Гiбель 30-гадовага расiянiна Леанiда Цiтарэнкi, якi займаўся ў Дахабе дайвiнгам i ў ракавы дзень аказаўся практычна ў эпiцэнтры аднаго з выбухаў, была пацверджана яшчэ 24 красавiка. Наконт яго сяброў, у лiку якiх знаходзiўся i беларус Аляксандр Шлык, доўгi час захоўвалася невядомасць, зрэшты, з песiмiстычным адценнем. Аднак учора, на жаль, супрацоўнiкi пасольства Беларусi ў Егiпце, адмiнiстрацыя ТДА «Мiстэрыя гука», дзе працаваў Аляксандр Шлык, а таксама МЗС Беларусi пацвердзiлi факт гiбелi нашага суайчыннiка. Ягонае цела апазналi сябры ў шпiталi Шарм эль-Шэйха, куды супрацоўнiкi мясцовых выратавальных службаў дастаўлялi загiнуўшых i параненых.

Паводле iнфармацыi МЗС Беларусi, акрамя загiнуўшага Аляксандра Шлыка, 1976 года нараджэння, намеснiка дырэктара i саўладальнiка сеткi беларускiх музычных магазiнаў «Мiстэрыя гука», iншых грамадзян Беларусi сярод пацярпелых ад тэракта не выяўлена. 25 красавiка знешнепалiтычнае ведамства рэспублiкi выступiла з заявай, дзе рашуча асудзiла тэрарыстычныя дзеяннi, якiя былi здзейснены ў адносiнах да егiпецкiх i замежных грамадзян. «У Рэспублiцы Беларусь выступаюць супраць любых формаў праяўлення экстрэмiзму. Беларусь упэўнена ў неабходнасцi ўзмацнення каардынацыi дзеянняў мiжнароднай супольнасцi ў барацьбе з тэрарызмам, а таксама ў недапушчальнасцi выкарыстання тэрору ў адносiнах да нi ў чым не вiнаватых людзей для дасягнення якiх бы там нi было палiтычных мэтаў», — гаворыцца ў заяве.

ДАВЕДКА. У сумным спiсе ахвяр тэрарызму дагэтуль знаходзiлася толькi адно iмя грамадзянiна Беларусi: у кастрычнiку 2002 года пры захопе тэатральнага цэнтра ў Маскве на Дуброўцы загiнула мiнчанка Людмiла Багачова (адна з сямi беларусаў, якiя былi ў заложнiках). Хочацца верыць, што другое iмя ў спiсе стане i апошнiм.