Главная
Гороскопы
Не наступiць бы на тыя ж граблi
Iрына ПРЫМАК
Футбол. Кубак УЕФА Заўтра пройдуць першыя матчы другога квалiфiкацыйнага раунда Кубка УЕФА. Нагадаю, што прадстаўнiкi нашай краiны згуляюць у Казанi i Брацiславе. Згодна з жараб’ёўкай у швейцарскiм Ньёне, барысаўскi БАТЭ сустрэнецца з расiйскiм «Рубiнам», а мiнскае «Дынама» — са славацкай «Артмедыяй». Хоць сапернiкi дасталiся розныя, але ў абодвух настаўнiкаў нашых клубаў, як стала вядома з гутаркi, адна мэта — узяць рэванш.Аляксей ПЯТРУШЫН, галоўны трэнер сталiчнага «Дынама»: — Па iронii лёсу мне зноў выпала славацкая «Артмедыя». Праўда, тады я ўзначальваў «Кайрат». У першым квалiфiкацыйным раундзе Лiгi чэмпiёнаў дома мы выйгралi з лiкам 2:0, а ў гасцях уступiлi ў дадатковы час 1:4. Зразумела, зараз у мяне толькi адзiная мара — узяць рэванш. Лiчу, што ў матчы ў Брацiславе мы прайгралi з-за судзейскiх памылак. Спадзяюся, на гэты раз усё будзе добра. — Значыць, здолееце не наступiць на тыя ж граблi, калі ведаеце сапернiка? — Гэта як сказаць. Справа ў тым, што ў саставе «Артмедыi» толькi пяць вядомых мне iгракоў. Уражанне аб гатоўнасцi каманды няпоўнае, бо яна згуляла толькi два матчы нацыянальнага чэмпiянату i столькi ж кубкавых. Аднак паспрабуем паказаць прыгожы футбол. — У вас ужо ёсць казырная картка: першы матч адбудзецца на чужым полi... — Так, гэта плюс. Галоўнае — здолець забiць у гасцях. Iгар КРЫЎШЭНКА, галоўны трэнер барысаўскага БАТЭ: — Лёс зноў звёў нас з расiйскiм клубам. Як памятаеце, у мiнулых кубкавых выступленнях удача была не на нашым баку. Лiчу, што «Рубiн» нi ў якiм разе нельга скiдваць з рахункаў. Мне падаецца, што вынiкi яго гульнi ў расiйскiм чэмпiянаце не адлюстроўваюць клас казанскай каманды. Расiйскi ўзровень футбола заўжды быў высокiм. — Зараз БАТЭ лiдзiруе ў нацыянальным першынстве. Зможаце, з тым жа настроем выйсцi на кубкавы матч? — Канешне, перамогi станоўча ўздзейнiчаюць на iгракоў. Паспрабуем не губляць гэты настрой. Лiчу, што мiнулых сапернiкаў нам не ўдавалася прайсцi з-за невялiкай веры ў свае сiлы, а гэта важны псiхалагiчны момант, таму паспрабуем паверыць у сябе. — Што хвалюе напярэдаднi гульнi? — На жаль, траўму атрымаў Дзмiтрый Платонаў. Спадзяюся, iншыя футбалiсты набяруць да матча патрэбную форму. Што ж, будзем «хварэць» за нашых i пажадаем БАТЭ i «Дынама» ўдачы. Дарэчы, матчы ў адказ пройдуць 24 жнiўня ў Барысаве i Мiнску, i кожны балельшчык мае магчымасць паглядзець на кубкавыя паядынкi i падтрымаць беларускiя клубы.
Чтобы разместить новость на сайте или в блоге скопируйте код:
На вашем ресурсе это будет выглядеть так
Заўтра пройдуць першыя матчы другога квалiфiкацыйнага раунда Кубка УЕФА
|
|