Главная
Гороскопы
Нарыхтоўку яблыкаў стрымлiвае недахоп транспарту«Гарачы» тэлефон «Звязды» 287-17-41 У пенсiянера, iнвалiда Уладзiмiра Кандрацьевiча Лялькова з вёскi Грудок Смалявiцкага раёна, паводле яго слоў, ужо тыдзень у скрынях стаяць яблыкi — антонаўка для мачэння. Падрыхтаваны яны былi, дарэчы, як i ў iншых вяскоўцаў, для нарыхтоўшчыкаў. Людзi дамаўлялiся здаць iх праз магазiн у вёсцы Задомля, а адтуль усё нiяк не iдзе машына. Некаторыя з вяскоўцаў, страцiўшы надзею здаць яблыкi, пачынаюць iх пакрысе проста выкiдваць...Сiтуацыю па просьбе рэдакцыi, праверыўшы выкладзеныя заяўнiкам факты, пракаментавала намеснiк дырэктара гандлёва-закупачнага прадпрыемства i знешнеэканамiчнай дзейнасцi Смалявiцкага раённага спажывецкага таварыства Алена Умётава. — У мiнулую пятнiцу ў магазiн у вёсцы Задомля намi была накiравана машына якраз для нарыхтоўчых мэтаў, але работнiкi гандлёвага прадпрыемства адправiлi яе назад. Чаму? Гэта была грузавая машына з высокiмi бартамi, адпаведна, па аб’ектыўных прычынах яе з цяжкасцю маглi б загрузiць як работнiкi магазiна, так i, напэўна, увогуле не змаглi б гэтага зрабiць насельнiкi вёсак з-за свайго ўзросту, калi б яна паехала далей па населеных пунктах, — паведамiла Алена Уладзiмiраўна. — Сёння мы гэта пытанне з Уладзiмiрам Кандрацьевiчам вырашым: у вёску будзе накiравана прыдатная для нарыхтоўкi машына. Праўда, падчас размовы з iм высветлiлася, што ваш заяўнiк не мае даведкi сельскага Савета. Справа ў тым, што з атрыманых грошай нарыхтоўшчыкi павiнны плацiць падатак, усе спiсы мы накiроўваем у падатковую iнспекцыю. Пры гэтым ужо нам трэба прад’явiць даведку, што чалавек сапраўды мае ўчастак, колькi на iм расце яблынь i якая там ураджайнасць. Улiчваючы, што Уладзiмiр Кандрацьевiч пенсiянер, iнвалiд, праблему з даведкай мы вырашылi на месцы. Як паведамiла далей Алена Умётава, машына наведае не толькi Грудок, але i вёску Вiшня. Развязе патрэбную насельнiцтву тару, а ў каго яна ёсць — забярэ нарыхтаваную прадукцыю. Апад яблыкаў будуць прымаць па 70 рублёў, антонаўку для мачэння — па 300 рублёў, таварныя яблыкi для працяглага захоўвання (iмi потым будуць гандляваць усю зiму) — па 500 рублёў за кiлаграм. Дарэчы, на сёння Смалявiцкае раённае спажывецкае таварыства (фактычна ж — з сярэдзiны жнiўня па верасень) нарыхтавала ўжо 500 тон яблыкаў (пры плане на ўвесь сезон у 1300 тон). Таму нарыхтоўкi актыўна працягваюцца. Адзiнае, што крыху перашкаджае iм, — гэта адсутнасць дастатковай колькасцi транспарту. Яго, зазначыла Алена Уладзiмiраўна, даводзiцца наймаць часам нават з Мiнска. Чтобы разместить новость на сайте или в блоге скопируйте код:
На вашем ресурсе это будет выглядеть так
У пенсiянера, iнвалiда Уладзiмiра Кандрацьевiча Лялькова з вёскi Грудок Смалявiцкага раёна, паводле яго слоў, ужо тыдзень у скрынях стаяць яблыкi — ан
|
|