Хроніка апошніх падзей

Источник материала:

Законапраект «Аб абароне воiнскiх збудаванняў» прыняты эстонскiмi парламентарыямi ў першым чытаннi. Уступленне закона ў сiлу дазволiць перапахаванне астанкаў, «калi воiнскiя могiлкi знаходзяцца ў месцах, дзе немагчыма дастаткова эфектыўна даглядаць за iмi i разглядаць iх як годнае месца апошняга ўпакаення».

У той жа час прыняцце гэтага закона ў пакеце з законам «Аб зносе непрыгодных збудаванняў», у Эстонii разглядаецца як стварэнне заканадаўчай базы для перазахавання савецкiх салдатаў, што ляжаць у Брацкай магiле на кургане Тынiсмягi ў цэнтры Талiна, i дэмантажу ўстаноўленага ў iх гонар манумента воiну-вызвалiцелю.

Як заявiў у мiнулы чацвер прэм’ер-мiнiстр Эстонii Андрус Ансiп, у выпадку прыняцця гэтых законаў вясной 2007 года пачнуцца раскопкi на месцы магiлы i работы па перапахаванню астанкаў. Разам з астанкамi савецкiх воiнаў плануецца перанесцi i помнiк.

ПАЖАР НА ШВЕДСКАЙ АЭС ВЫМУСIЎ СПЫНIЦЬ РЭАКТАР

Адзiн з чатырох рэактараў атамнай электрастанцыi «Рынгхалс» на паўднёвым захадзе Швецыi быў спынены ў вынiку пажару.

Узгаранне трансфарматара адбылося ў ноч на 14 лiстапада. Паводле слоў прадстаўнiка кiраўнiцтва АЭС, пажар быў лiквiдаваны на працягу дзвюх гадзiн. Пры гэтым сiстэмы бяспекi аўтаматычна адключылi рэактар. У вынiку ЧП нiхто не пацярпеў.

АЭС «Рынгхалс» знаходзiцца ў 500 кiламетрах ад Стакгольма на ўзбярэжжы пралiва, якi раздзяляе Швецыю i Данiю. На АЭС выпрацоўваецца 18 працэнтаў усёй энергii, якую спажывае Швецыя.

ЯПОНIЯ ПРАД’ЯВIЛА ПРАВЫ НА ЯДЗЕРНУЮ ЗБРОЮ

Японiя магла б легальна валодаць ядзернай зброяй, хоць i «на мiнiмальным узроўнi». Такую заяву зрабiў японскi ўрад у адказ на запыт аднаго з парламентарыяў краiны. Такiм чынам, урад прэм’ер-мiнiстра Сiндзо Абэ ўпершыню афiцыйна прызнаў права Токiо валодаць гэтым вiдам зброi.

Мiж тым, у кабiнеце мiнiстраў падкрэслiваюць, што гэта заява мае выключна юрыдычны пункт гледжання, адзначыўшы, што пацыфiсцкая Канстытуцыя Японii «не забараняе валоданне гэтай краiнай нейкiм пэўным вiдам зброi, у тым лiку i ядзерным, у выпадку, калi гэта неабходны мiнiмум для ўласнай абароны».

У ГЕРМАНII НАСТАЛЬГIЯ ПА ФЮРЭРУ

Згодна з вынiкамi апытання грамадскай думкi, праведзенага нямецкiмi сацыёлагамi, у Германii растуць экстрэмiсцкiя i крайне правыя настроi, паведамляе Der Spiegel.

У перыяд з 5 мая па 8 чэрвеня пры ўдзеле берлiнскага iнстытута даследавання грамадскай думкi USUMA вучоныя апыталi 5036 чалавек ва ўзросце ад 14 гадоў на ўсёй тэрыторыi Германii. На пытанне, цi лiчаце вы, што немцы па прыродзе стаяць вышэй за iншыя нацыi, станоўча адказалi 14,8 працэнта апытаных. На пытанне, цi лiчыце вы, што калi не звяртаць увагi на знiшчэнне яўрэяў, Гiтлер быў вялiкiм дзяржаўным дзеячам, «так» адказалi 11,2 працэнта рэспандэнтаў. 9 працэнтаў апытаных заявiлi, што гатовыя змiрыцца з дыктатурай, калi гэта будзе неабходна ў дзяржаўных iнтарэсах. 15 працэнтаў лiчаць, што было б нядрэнна, калi б Германiяй кiравала «моцная рука» i на чале дзяржавы стаяў нацыянальный правадыр — «фюрэр». Амаль 26 працэнтаў гатовыя бачыць сябе членамi адзiнай агульнанацыянальнай партыi, якая аб’яднала б усiх немцаў.