Страты прадпрыемстваў Беларусi ў вынiку абмежавання паставак цукру ў Расiю перасягнулi $600 тыс.

Источник материала:

Нягледзячы на дасягнутыя на нядаўняй сустрэчы прэзiдэнтаў дзвюх краiн дамоўленасцi i тое, што да вырашэння пытанняў, што ўзнiкаюць, далучаюцца ўрады, праблемы застаюцца, адзначыў ён. «Мытныя службы Расii па незразумелых прычынах стрымлiваюць пастаўкi цукру з Беларусi», — сказаў Iван Данчанка. Так, у Расiю было адгружана толькi 36 тыс.т цукру (580 вагонаў), атрыманага з цукровых буракоў новага ўраджаю. Расiйскiя мытнiкi прапусцiлi 24,9 тыс.т (401 вагон), а яшчэ 11,1 тыс.т чакаюць мытнага афармлення. Пры гэтым 20 вагонаў правераны на паходжанне прадукцыi i дадзена згода на свабоднае абарачэнне цукру на тэрыторыi Расii.

Канцэрн нядаўна вярнуў у Беларусь 89 вагонаў з цукрам, якi накiроўваўся ў Расiю. Акрамя таго, нясуць страты i чыгуначнiкi, таму што прастойваюць вагоны, дадаў старшыня канцэрна.

Беларусь можа прадаць на экспарт у гэтым годзе 425 тыс.т цукру, у тым лiку ў Расiю — 400 тыс.т, а гэта 6—7 працэнтаў ад аб’ёму цукру, якi спажывае Расiя.

Для таго каб паскорыць прасоўванне цукру на расiйскi рынак, створана Беларуская цукровая кампанiя, паведамiў Iван Данчанка.

Прадпрыемствы канцэрна «Белдзяржхарчпрам» вывучаюць новыя рынкi збыту цукру.

У прыватнасцi, вывучаецца рынак Узбекiстана, Казахстана, Кыргызстана. У гэтым годзе ў Казахстан прададзена ўжо 9 тыс.т цукру.