Кава, гарбата i мабiльныя тэлефоны будуць маркiравацца

Источник материала:

Варта нагадаць, што маркiроўка iдэнтыфiкацыйнымi знакамi была ўведзена ўпершыню ў сакавiку 2005 года для наладжвання кантролю за ўвозам, перамяшчэннем i захоўваннем на тэрыторыi Беларусi iмпартнай прадукцыi, а таксама для папярэджання ўцягвання ў ценявы абарот тавараў айчыннай вытворчасцi.

З 8 снежня ў пералiк тавараў з абавязковай маркiроўкай увайшлi:

— кава (смажаная i нясмажаная, з кафеiнам цi без кафеiну), растваральная кава, шалупiнне кавы i абалонкi зерня кавы, заменнiкi кавы;

— гарбата з араматызаванымi дабаўкамi цi без iх, растваральная гарбата, матэ цi парагвайская гарбата;

— бiялагiчна актыўныя дабаўкi да ежы ў спажывецкай тары;

— абутак на падэшве з гумы, пластмасы, натуральнай цi кампазiцыйнай скуры i з верхам з тэкстыльных матэрыялаў, за выключэннем таго, што быў у выкарыстаннi;

— экзэмпляры фанаграм на матэрыяльных носьбiтах у спажывецкай тары (аўдыёкасеты, кампакт-дыскi), экзэмпляры аўдыёвiзуальных твораў (кiна- i вiдэафiльмы) на матэрыяльных носьбiтах у спажывецкай тары;

— мабiльныя тэлефоны ў спажывецкай тары, акрамя тых, што былi ва ўжытку.

Без адпаведных кантрольных знакаў гандлёвыя арганiзацыi не маюць права браць тавар на рэалiзацыю.