Аляксандр Лукашэнка не задаволены рэзультатыўнасцю беларускага хакея

Источник материала:

Кiраўнiк дзяржавы прызнаў, што мiжнародны поспех «Юнацтва», якi выйграў у студзенi гэтага года Кантынентальны кубак, — новая старонка ў гiсторыi беларускага хакея. «Але хто сёння можа гарантаваць добрае выступленне нашай каманды ў Маскве на чэмпiянаце свету?» — задаў пытанне Аляксандр Лукашэнка.

Прэзiдэнт таксама адзначыў, што маладзёжная i юнацкая зборныя Беларусi «затрымалiся памiж двума паверхамi». «Гэта таптанне на месцы», — ацанiў сiтуацыю кiраўнiк дзяржавы. На жаль, сказаў ён, аб’ектыўная iнфармацыя не дае магчымасцi даць упэўнены адказ на пытанне аб якасцi i перспектывах нашага хакея.

На думку Аляксандра Лукашэнкi, ключом вырашэння гэтай праблемы з’яўляецца павышэнне спартыўнага майстэрства беларускiх хакеiстаў i баявога духу каманды. Гэтаму трэнеры i федэрацыя хакея павiнны ўдзяляць прыярытэтную ўвагу, падкрэслiў Прэзiдэнт.

Аляксандр Лукашэнка заявiў, што ў Беларусi будзе прадоўжана будаўнiцтва Лядовых палацаў у гарадах з насельнiцтвам каля 100 тыс. Цяпер у рэспублiцы ўзведзена 10 Лядовых палацаў. Нi адзiн з iх дзяржава не датуе — яны самаакупныя, падкрэслiў Прэзiдэнт. «Гэта нармальныя праекты з пункту гледжання эканомiкi. Так, мы, напэўна, не вернем у бюджэт грошы — гэта сацыяльныя аб’екты, i не трэба на гэта спадзявацца. Але галоўнае, што мы грошы не трацiм на iх утрыманне», — сказаў Аляксандр Лукашэнка. Паводле слоў кiраўнiка дзяржавы, у планах — узвядзенне Лядовых палацаў у такiх гарадах, як Баранавiчы, Бабруйск, Орша, Лiда, Полацк. «Час ужо зрабiць, як у вядучых дзяржавах свету, — лiчыць ён. — У Фiнляндыi, Чэхii — сотнi лядовых пляцовак, а ў нас усяго дзесяць». Пры гэтым Аляксандр Лукашэнка адзначыў, што дзяржава трацiць вялiкiя грошы на падтрымку спорту. Толькi на развiццё хакея ў 2006 годзе было зрасходавана амаль Br60 млрд. «Нi адна дзяржава столькi грошай «адкрыта» не ўкладвае», — падкрэслiў беларускi лiдар.

Беларуская хакейная каманда не будзе прымаць удзел у чэмпіянаце Расіі. Такое рашэнне было прынята па выніках нарады. У час абмеркавання былі выказаны розныя пункты погляду адносна магчымага ўдзелу Беларусі ў расійскім чэмпіянаце. Аднак, па-сапраўднаму важкіх аргументаў на карысць гэтага кроку прыведзена не было.

Падводзячы вынікі, Прэзідэнт падкрэсліў, што ў бліжэйшы час неабходна засяродзіць намаганні і сродкі на вырашэнні праблем беларускага хакея, павышэння майстэрства ігракоў і кваліфікацыі трэнераў, навучанні маладых аматараў хакея ў спартыўных лагерах за мяжой. «Мы толькі-толькі ўстаём на ногі ў хакеі, нам неабходна падняць наш чэмпіянат да больш высокага ўзроўню», — упэўнены Аляксандр Лукашэнка.

Паводле паведамленняў прэс-службы Прэзiдэнта Рэспублiкi Беларусь i БЕЛТА.