Сумесная нафта

Источник материала:

Намеснiк мiнiстра ўзначальваў дэлегацыю, якая праводзiла ў Беларусi перамовы аб супрацоўнiцтве памiж дзвюма краiнамi. Радрыга Чавес адзначыў, што сёння iснуе праект па здабычы нафты ў Венесуэле сумеснай беларуска-венесуэльскай кампанiяй. «Гэты праект добра рухаецца наперад i ён знаходзiцца ўжо ў завяршальнай стадыi, канкрэтызуецца», — заявiў намеснiк мiнiстра.

Як раней паведамлялi беларускiя афiцыйныя асобы, Венесуэла ўжо выдзелiла Беларусi некалькi нафтаносных зон, дзе можна здабываць прыкладна 2 млн тон нафты ў год. Здабытую ў Венесуэле нафту беларускi бок мяркуе рэалiзоўваць на венесуэльскiм рынку i на атрыманыя сродкi набываць энерганосьбiты на блiжэйшых да Беларусi рынках.

Радрыга Чавес заявiў таксама, што дзве краiны працуюць i над рэалiзацыяй сумесных праектаў у газавай галiне. Гаворка iдзе пра «газiфiкацыю гарадоў у Венесуэле, а таксама перавод аўтамабiльных рухавiкоў на газ».

«Iснуе шэраг дамоўленасцяў i па супрацоўнiцтву ў галiне сейсматэхнiкi, а таксама шэраг праектаў у нафтахiмiчнай галiне».

Падводзячы вынiкi вiзiту дэлегацыi Венесуэлы, намеснiк мiнiстра замежных спраў Беларусi Вiктар Гайсёнак заявiў, што, у прыватнасцi, «на ўзроўнi знешнепалiтычных ведамстваў былi праведзены палiтычныя кансультацыi. Мы з задавальненнем канстатавалi, што нашы погляды на актуальныя пытаннi мiжнароднай палiтыкi з’яўляюцца падобнымi альбо блiзкiмi».