Главная
Гороскопы
Змянiлiся грашовыя нормы расходаў на харчаванне ў аздараўленчых лагерах
Iна АРЭХАВА
Згодна з адпаведнай пастановай Мiнiстэрства адукацыi, у дзень у аздараўленчых лагерах дзённага знаходжання на харчаванне аднаго дзiцяцi ва ўзросце 6—10 гадоў прадугледжана да 3820 рублёў, ад 11 да 13 гадоў — да 4270 руб, ад 14 да 18 — да 4600. У аздараўленчых лагерах кругласутачнага знаходжання на дзiця 6—10 гадоў павiнна выдаткоўвацца да 4640 рублёў, 11—13 гадоў — да 5130, 14—18 — да 5490. У кругласутачных аздараўленчых лагерах, аздараўленчых лагерах кругласутачнага знаходжання абаронна-спартыўнага профiлю, працы i адпачынку для дзяцей ва ўзросце 6—10 гадоў — да 5120, 11—13 — да 5670, 14—18 — да 5930.
У пастанове сказана, што пры арганiзацыi харчавання ў аздараўленчых лагерах дзённага знаходжання з выкарыстаннем датацый са сродкаў дзяржаўнага сацыяльнага страхавання, а таксама за кошт сродкаў рэспублiканскага i мясцовых бюджэтаў юрыдычнымi асобамi i iндывiдуальнымi прадпрымальнiкамi, якiя спецыялiзуюцца на аказаннi паслуг грамадскага харчавання, да грашовых нормаў расходаў на харчаванне прымяняецца павышаючы каэфiцыент 1,45. Пры арганiзацыi харчавання ўстановамi адукацыi цi аддзеламi (упраўленнямi) адукацыi мясцовых выканаўчых i распарадчых органаў у аздараўленчых лагерах дзённага знаходжання з выкарыстаннем датацый са сродкаў дзяржаўнага сацыяльнага страхавання, а таксама за кошт сродкаў рэспублiканскага i мясцовых бюджэтаў, у сталоўках, якiя з’яўляюцца структурнымi падраздзяленнямi ўстановы адукацыi i функцыянуюць на выплатнай аснове, да грашовых нормаў расходаў на харчаванне прымяняецца павышаючы каэфiцыент 1,3. Акрамя таго, мясцовыя выканаўчыя i распарадчыя органы, зыходзячы з мясцовых умоў, могуць устанаўлiваць канкрэтныя памеры грашовых нормаў на харчаванне дзяцей у аздараўленчых лагерах у межах грашовых нормаў расходаў на харчаванне, прыведзеных вышэй.
Чтобы разместить новость на сайте или в блоге скопируйте код:
На вашем ресурсе это будет выглядеть так
Згодна з адпаведнай пастановай Мiнiстэрства адукацыi, у дзень у аздараўленчых лагерах дзённага знаходжання на харчаванне аднаго дзiцяцi ва ўзросце 6—1
|
|