Аляксандр Лукашэнка запатрабаваў забяспечыць у поўным аб’ёме крэдытаванне рэальнага сектара эканомi

Источник материала:

Кiраўнiк дзяржавы запатрабаваў забяспечыць выкананне ўсiх паказчыкаў асноўных напрамкаў грашова-крэдытнай палiтыкi рэспублiкi па вынiках паўгоддзя i за 2007 год у цэлым.

Пры гэтым Аляксандр Лукашэнка звярнуў асаблiвую ўвагу на неабходнасць крэдытавання ў поўным аб’ёме рэальнага сектара эканомiкi насельнiцтва, каб дасягнуць намечаных планаў у сацыяльна-эканамiчным развiццi Беларусi.

У сувязi з гэтым Нацбанк у блiжэйшы час яшчэ раз разгледзiць пытаннi, што датычацца павелiчэння аб’ёмаў крэдытавання рэальнага сектара эканомiкi, нарошчвання рэсурснай базы банкаў.

Адзначана, што ў першым квартале 2007 года прырост крэдытаў у эканомiцы ў рэальных цэнах склаў 41,9 працэнта ў параўнаннi з аналагiчным перыядам мiнулага года. Кiраўнiк дзяржавы запатрабаваў захаваць дасягнутыя тэмпы па вынiках паўгоддзя i года.

Пётр Пракаповiч прадставiў Прэзiдэнту iнфармацыю аб ходзе выканання даручэння па жыллёваму будаўнiцтву ў Беларусi — кiраўнiк Нацбанка курыруе гэту сферу эканомiкi. У гэтым годзе ў рэспублiцы стаiць задача ўвесцi ў строй жылля на 500 тыс. кв. м больш, чым у 2006 годзе, а таксама значна павялiчыць колькасць кватэр, прызначаных для «чаргавiкоў».

Аляксандр Лукашэнка даручыў сканцэнтраваць намаганнi на двух галоўных напрамках: знiжэнні кошту будаўнiцтва жылля i ўкараненні энергазберагальных тэхналогiй у жыллёвым будаўнiцтве. Прэзiдэнт асаблiва падкрэслiў неабходнасць выкарыстання прагрэсiўных тэхналогiй i пакватэрнага ацяплення. Аб тым, як вырашаюцца гэтыя пытаннi, урад i Нацыянальны банк даложаць кiраўнiку дзяржавы да 1 жнiўня.

На сустрэчы абмяркоўвалiся перспектывы ўкаранення ў Беларусi кiтайскага вопыту па выкарыстанню цяпла падземных вод у ацяпленнi жылфонду. Прэзiдэнт даручыў у блiжэйшы час правесцi эксперымент па будаўнiцтву жылых мiкрараёнаў у Мiнску i Брэсце з выкарыстаннем геатэрмальнай энергii для ацяплення дамоў. Беларускi бок ужо вядзе перагаворы з кiтайскiмi фiрмамi i ў гэтым годзе плануе пачаць рэалiзацыю гэтых праектаў. Станоўчы вопыт будзе пашыраны на ўсю рэспублiку.

Таксама Прэзiдэнту даложана аб рабоце Нацыянальнага банка па праграме адраджэння беларускай вёскi i аб дзейнасцi 10 сельскагаспадарчых прадпрыемстваў, якiя курыруе вядучы фiнансавы iнстытут краiны. У цэлым у першым квартале ўсе сельгасарганiзацыi працавалi паспяхова, выручка ад рэалiзацыi тавараў i паслуг значна вырасла — на 42 працэнты.

Прэзiдэнт запатрабаваў, каб гэтыя сельгаспрадпрыемствы за кароткi перыяд часу выйшлi на ўзровень самых перадавых гаспадарак Беларусi. У сувязi з чым будзе ўдзелена асаблiвая ўвага знiжэнню вытворчых затрат і паляпшэнню эканамiчных паказчыкаў.

Прэс-служба Прэзiдэнта Рэспублiкi Беларусь.