Беларусь i Расiя ў блiжэйшы час створаць новыя саюзныя праграмы

Источник материала:

Паводле яго слоў, адпаведнае даручэнне Прэзiдэнт Беларусi дасць ураду краiны. Сярод новых праектаў — будаўнiцтва аўтадарогi «Брэст—Уладзiвасток», стварэнне камунiкацыйнай сеткi.

Як адзначыў Павел Барадзiн, цяпер дзейнiчае больш за 20 саюзных праграм. У iх рэалiзацыi задзейнiчана звыш 2,8 тыс. прадпрыемстваў Беларусi i Расii, на якiх працуюць амаль 350 тыс. чалавек.

Марскі порт Беларусі будзе створаны ў Ленінградскай вобласці, паведаміў Павел Барадзін.

«Мы разглядалі розныя варыянты - прыбалтыйскі, украінскі, чарнаморскае ўзбярэжжа, але найбольш удачны варыянт з пункту гледжання зручнасці транспартнай схемы і аб’ёмаў таварнага патоку - Ленінградская вобласць, і прэзідэнт Беларусі Аляксандр Лукашэнка гэта пацвердзіў», - сказаў дзяржсакратар. Ён перакананы, што праект будзе цікавы і для заходніх інвестараў.

На сустрэчы з прэзідэнтам абмяркоўваўся таксама праект па перамяшчэнню Мінскага авіярамонтнага завода ў раён Нацыянальнага аэрапорта Мінск.

Сустрэча прэзiдэнтаў Беларусi i Расii Аляксандра Лукашэнкi i Уладзiмiра Пуцiна можа адбыцца ў блiжэйшы час, лiчыць Павел Барадзiн.

Паводле слоў Паўла Барадзiна, сустрэча двух лiдараў будзе папярэднiчаць пасяджэнню Вышэйшага Дзяржаўнага Савета Саюзнай дзяржавы, на якое будуць вынесены актуальныя пытаннi саюзнага будаўнiцтва.

Як адзначыў Павел Барадзiн, на сустрэчы з Прэзiдэнтам Беларусi абмяркоўвалiся прапановы па далейшаму саюзнаму будаўнiцтву. «Мы дэталёва разгледзелi пытаннi Канстытуцыйнага акта, рэферэндуму, структур улады, парламента Саюза», — сказаў ён.

Павел Барадзiн падкрэслiў таксама, што пытаннi саюзнага будаўнiцтва цяпер вельмi актуальныя. «Тое, што сёння з’яўляецца ў СМI па Саюзнай дзяржаве, не адпавядае рэчаiснасцi», — заявiў дзяржсакратар.