Аляксандр ЛУКАШЭНКА: «МАРАЛЬНЫ ДУХ АФIЦЭРАЎ З’ЯЎЛЯЕЦЦА ФАКТАРАМ НАЦЫЯНАЛЬНАЙ БЯСПЕКI»

Источник материала:

Вiншаваннi Прэзiдэнта прымалi выпускнiкi камандна-штабнога факультэта Ваеннай акадэмii Беларусi, а таксама беларускiя афiцэры, якiя скончылi расiйскiя ваенныя ВНУ — усяго 137 ваеннаслужачых.

Кiраўнiк дзяржавы адзначыў, што Узброеныя Сiлы Беларусi прыведзены ў адпаведнасць з новымi выклiкамi i пагрозамi нацыянальнай бяспецы i адпавядаюць сучаснаму характару ўзброенай барацьбы. «Ужо 63 гады наша краiна жыве ў мiры i згодзе, аднак нельга забываць аб тым, што мiжнародная абстаноўка вакол Беларусi не становiцца больш бяспечнай», — сказаў Прэзiдэнт, нагадаўшы ў сувязi з гэтым аб пашырэннi НАТА на ўсход i плануемым размяшчэннi ў еўрапейскiх краiнах элементаў амерыканскай сiстэмы ПРА.

Пры гэтым беларускi лiдар падкрэслiў, што нягледзячы на тое што цяпер беспрэцэдэнтна ўзмацняецца нацiск на Беларусь па самых розных напрамках, у тым лiку i ваенным, наша дзяржава абавязкова захавае i стабiльнасць, i высокiя тэмпы сацыяльна-эканамiчнага росту. «Гэта адбудзецца дзякуючы таму, што беларускi народ яшчэ больш кансалiдуецца i мабiлiзуе ўсе сiлы для дасягнення нашай стратэгiчнай мэты — пабудовы моцнай i квiтнеючай Беларусi», — сказаў Аляксандр Лукашэнка.

«За гады незалежнасцi мы не далi ўцягнуць сябе нi ў адну палiтычную авантуру, не ўвязалiся нi ў адзiн мiжнародны канфлiкт. Беларусь паслядоўна праводзiць мнагавектарную мiралюбiвую палiтыку. Але мы абавязаны пастаянна прымаць меры па ўзмацненню абароны i ваеннай бяспекi краiны», — падкрэслiў кiраўнiк дзяржавы. «Сёння ў беларускай дзяржаве забяспечаны грамадская згода i бяспека грамадзян. I ў гэтым вялiкая заслуга тых, хто ўсё сваё жыццё прысвяцiў абароне Айчыны», — сказаў Прэзiдэнт.

«Ключавым элементам гарантавання нацыянальнай бяспекi традыцыйна выступаюць Узброеныя Сiлы. Мы верым у вас i разлiчваем на вашу энергiю i iнiцыятыву, адказнасць i прафесiяналiзм», — сказаў на заканчэнне Аляксандр Лукашэнка, звяртаючыся да выпускнiкоў.

Кiраўнiк дзяржавы ўручыў спецыяльныя лiсты аб аб’яўленнi Падзякi Прэзiдэнта Рэспублiкi Беларусь за поспехi ў вучобе i ўзорнае выкананне воiнскага абавязку 6 афiцэрам, якiя скончылi ВНУ з адзнакай. Затым адбыўся прыём у гонар выпускнiкоў-афiцэраў.