Iмёны Янкi Купалы i Якуба Коласа — вулiцам у Польшчы

Источник материала:

Гэтаму ў многiм спрыялi iнiцыятывы пасольства Беларусi на працягу апошнiх двух гадоў па увекавечванню ў Гайнаўцы памяцi песняроў. У Музеi i асяродку беларускай культуры, комплексе школ з дадатковым навучаннем беларускай мовы ў Гайнаўцы былi праведзены Днi i вечары беларускай культуры, Днi беларускага кiно, 8 мастацкiх выставак.

Асаблiва сiмвалiчна, што падзея адбылася ў год юбiлею Янкi Купалы i Якуба Коласа ў горадзе, у якiм большасць жыхароў маюць беларускую нацыянальнасць i падтрымлiваюць пастаянную сувязь з этнiчнай радзiмай. Пасольствам Беларусi ў Польшчы разам з генконсульствам Беларусi ў Беластоку пры падтрымцы Мiнiстэрства культуры Беларусi днямi ў Музеi i асяродку беларускай культуры ў Гайнаўцы прайшло Свята беларускай культуры. Адбылiся выстаўкi «Мой родны кут» мастацкiх твораў народнага мастака Беларусi, дырэктара Музея сучаснага выяўленчага мастацтва ў Мiнску Васiля Шаранговiча, прэзентацыя вiдэафiльма «Каранi» аб жыццi беларускай меншасцi ў Польшчы, знятага Белтэлерадыёкампанiяй, выступленне ансамбля Белдзяржфiлармонii «Купалiнка».

У час свята прайшло ўзнагароджанне ганаровымi дыпломамi i каштоўнымi падарункамi пасольства пераможцаў 13-й Усяпольскай алiмпiяды па беларускай мове, заключныя мерапрыемствы якой былi праведзены ў чэрвенi ў Мiнску на базе Беларускага дзяржаўнага ўнiверсiтэта. Музею i асяродку беларускай культуры i гарадской бiблiятэцы ў Гайнаўцы перададзены падборкi твораў беларускiх класiкаў, а комплексам школ з дадатковым навучаннем беларускай мовы ў Гайнаўцы i Бельску Падляскiм — бiблiятэчкi беларускай вучэбна-метадычнай лiтаратуры. Лагiчным працягам Свята беларускай культуры ў Гайнаўцы стала традыцыйнае народнае «Купалле» ў Белавежы. Яго правяло Беларускае грамадска-культурнае таварыства ў Польшчы ўжо 23-i раз.