Рамантызм па-сучаснаму

Источник материала:

Памяць

Помнiк мастаку Валенцiю Ваньковiчу з’явiцца непадалёк ад Дома-музея Ваньковiчаў

Род Ваньковiчаў даў шмат вядомых асобаў, але больш шануюць у Беларусi менавiта мастака, якi пiсаў Мiцкевiча, паехаў пакараць Парыж i пахаваны там. Нам засталася памяць пра яго — будынак дома, якi належаў знанаму роду, а цяпер у iм месцiцца фiлiял Нацыянальнага мастацкага музея.

Цяпер iмкнуцца вярнуць дому былую рамантычнасць, узводзячы флiгель, якi некалi быў побач з домам. Пра гэта сведчаць былыя фотаздымкi, мастацкiя творы, дакументы. Таксама побач з’явiцца аранжарэя. Рамантызм — рэч прыемная, дазволiць уявiць асаблiвасцi эпохi, у якую жыў Валенцiй Ваньковiч. Але рамантызм сёння трэба i ўмець стварыць — ужо надта ў не рамантычны час мы жывём, у iншых дамах — з бетону i iншых цяжкiх матэрыялаў, да якiх прызвычаiлiся. Цi будзе адчувацца ў новапабудаваным флiгелi былая лёгкасць канструкцый, якая дазваляе адчуць рамантычную прыгажосць? Паглядзець можна будзе ўвосень.

Ларыса ЦIМОШЫК.