Колькасць "дэкларантаў" зменшылася амаль удвая

Источник материала:

Падаткі

Аб гэтым журналiстам у Нацыянальным прэс-цэнтры паведамiў намеснiк мiнiстра па падатках i зборах Беларусi Аляксандр Дарашэнка.

Вядома, што час пiк падачы дэкларацый аб сукупным гадавым даходзе мiнуў пасля 1 сакавiка, а да 15 мая падаткаплацельшчыкi павiнны былi цалкам разлiчыцца па падатках у бюджэт.

Падатковыя дэкларацыi аб сукупным гадавым даходзе па вынiках мiнулага года падалi 143 948 чалавек, у тым лiку 23 272 iндывiдуальныя прадпрымальнiкi. Летась дэкларацыю падалi на 136 543 чалавекi больш, чым сёлета.

Падлiчана, што ў вынiку пераразлiку падаходнага падатку, улiчваючы сукупны гадавы даход, 75 886 грамадзянам краiны быў прад’яўлены дадатковы падатак да выплаты памерам у 23 мiльярды рублёў. Кампанiя дэкларавання сукупнага гадавога даходу вызначыла 53 224 падаткаплацельшчыкi, якiя атрымаюць частку сваiх грошай назад, памерам у 17,7 мiльярда рублёў. Самая вялiкая колькасць дэкларацый памерам у 48,5 тысячы была пададзена фiзiчнымi асобамi ў Мiнску, а самая маленькая (14,3 тысячы) — у Магiлёўскай вобласцi.

Адказваючы на пытаннi журналiстаў, намеснiк мiнiстра адмовiўся агучыць самы вялiкi памер аплачанага адной асобай падатку, бо iнфармацыя, атрыманая з падатковых дэкларацый фiзiчных асобаў, цяпер з’яўляецца падатковай тайнай.

Аляксандр Дарашэнка паведамiў прысутным, што пры распрацоўцы бюджэту на 2009 год разглядалася пытанне аб увядзеннi адзiнай плоскай шкалы падаходнага падатку памерам у 12 працэнтаў. Нагадаю, што сярэдняя стаўка спагнання падаходнага падатку ў насельнiцтва па народнай гаспадарцы летась склала 11,6 працэнта. Вiдавочна, што людзi з маленькiмi даходамi, якiя сёння выплачваюць падаходны падатак памерам у 9 працэнтаў, у наступным годзе могуць атрымаць больш вялiкi падатковы цяжар. Паводле слоў намеснiка мiнiстра, для людзей з маленькiмi даходамi плануецца павялiчыць падатковую льготу (вылiкi, якiя не абкладаюцца падаткам) да 6 базавых велiчынь. Разам з тым для людзей з вялiкiмi заробкамi, пасля атрымання апошнiмi пэўнага памеру даходу, такая льгота па вылiках дзейнiчаць ужо не будзе.

Сяргей КУРКАЧ.