Беларусь агучыла пазіцыю па распаўсюджванні аб’ектыўнай iнфармацыi

Источник материала:

Пазiцыя Беларусi па тэме распаўсюджвання аб’ектыўнай iнфармацыi ва ўмовах глабалiзацыi была агучана на Сёмай канферэнцыi мiнiстраў iнфармацыi краiн Руху недалучэння (КОМІНАК) у Венесуэле. Як паведамiлi карэспандэнту БЕЛТА ў МЗС, пункт гледжання беларускага боку ў сваiм дакладзе на мерапрыемстве выказала першы намеснiк iнфармацыi Лiлiя Ананiч.

Каардынацыйнае бюро Руху недалучэння зацвердзiла кандыдатуру кiраўнiка беларускай дэлегацыi ў якасцi намеснiка старшынi канферэнцыi.

У мерапрыемстве прынялi ўдзел дэлегацыi з 70 краiн свету. 20 дэлегацый удзельнiчалi на ўзроўнi мiнiстраў, у той час як астатнiя былi прадстаўлены iншымi службовымi асобамi. Перад удзельнiкамi Сёмай канферэнцыi мiнiстраў iнфармацыi выступiў прэзiдэнт Балiварыянскай Рэспублiкi Венесуэла Уга Чавес.

Галоўнай тэмай дыскусii было абмеркаванне тэмы распаўсюджвання ў свеце пазiцыi Руху недалучэння ў святле сучасных iнфармацыйных i камунiкацыйных тэндэнцый. Па вынiках работы Сёмай канферэнцыi мiнiстраў iнфармацыi краiн РН прынята сумесная дэкларацыя.

У рамках мерапрыемства адбылася кароткая размова прэзiдэнта Венесуэлы з кiраўнiком беларускай дэлегацыi. Яна таксама правяла шэраг двухбаковых сустрэч i дала iнтэрв’ю тэлевiзiйнаму каналу "Тэлесур".

Першы намеснiк міністра iнфармацыi Беларусi Лiлiя Ананiч сустрэлася з намеснiкам мiнiстра iнфармацыi Венесуэлы Фрэдзi Фернандэсам. На перагаворах бакi пацвердзiлi неабходнасць развiцця далейшага супрацоўнiцтва ў iнфармацыйнай сферы. Адбылася таксама сустрэча прадстаўнiкоў беларускай дэлегацыi з намеснiкамi мiнiстра iнфарматыкi i сувязi Кубы Барысам Алехандра Марэна Кардовесам i першым намеснiкам старшынi Iнстытута радыё i тэлебачання Кубы Луiсам Акоста Эчэверыя. Акрамя таго, па iнiцыятыве венесуэльскага боку прайшла сустрэча кiраўнiка беларускай дэлегацыi з мiнiстрам Венесуэлы па справах жанчын Марыяй Леан.