Указ Прэзiдэнта Рэспублiкi Беларусь № 387

Источник материала:

Назначыць генерал-маёра Зайцава Вадзiма Юр’евiча Старшынёй Камiтэта дзяржаўнай бяспекi Рэспублiкi Беларусь, вызвалiўшы яго ад пасады першага намеснiка Старшынi Дзяржаўнага пагранiчнага камiтэта Рэспублiкi Беларусь — начальнiка галоўнага аператыўнага ўпраўлення.

Зайцаў Вадзiм Юр’евiч нарадзiўся ў 1964 годзе ў Жытомiрскай вобласцi (Украiна).

У 1986 годзе скончыў Маскоўскае вышэйшае пагранiчнае каманднае вучылiшча, у 1997 годзе — Акадэмiю Федэральнай пагранiчнай службы Расiйскай Федэрацыi, у 2004 — Ваенную акадэмiю Генеральнага штаба Ўзброеных Сiлаў Расiйскай Федэрацыi. Генерал-маёр.

Да 1994 года праходзiў службу на пасадах намеснiка начальнiка, начальнiка пагранiчнай заставы. У 1997—1998 гадах працаваў ва ўпраўленнi аховы дзяржаўнай гранiцы штаба Дзяржаўнага камiтэта пагранiчных войскаў Беларусi.

З 1998 па 2002 год з’яўляўся намеснiкам начальнiка атрада — начальнiкам штаба, а пасля начальнiкам Пiнскага пагранiчнага атрада.

З 2004 года займаў кiруючыя пасады ў Дзяржаўным камiтэце пагранiчных войскаў Беларусi.

Да назначэння старшынёй Камiтэта дзяржаўнай бяспекi быў першым намеснiкам старшынi Дзяржаўнага пагранiчнага камiтэта — начальнiкам галоўнага аператыўнага ўпраўлення.