Унітарнае даччынае прадпрыемства "Слонiмскi вiнаробны завод": упэўненымi крокамi да якасна

26.08.2009 10:22 — |

Размер текста:: A; A; A

Источник материала:

Унітарнае даччынае прадпрыемства "Слонiмскi вiнаробны завод": упэўненымi крокамi да якаснай прадукцыi
УДП "Слонiмскi вiнаробны завод" — гэта адно з вядучых прадпрыемстваў канцэрна "Белдзяржхарчпрам" — выпускае каля 30 найменняў разнастайнай прадукцыi. У склад прадпрыемства ўваходзяць таксама Айцоўскi спiртзавод (Бераставiцкi раён), воцатная вытворчасць, а таксама 2 магазiны — "Спадарожнiк" i "Бутэрбродная" ў Слонiме i рэгiянальны аптовы склад у Гродне.
Слонiмскi вiнаробны завод за сваю 60-гадовую гiсторыю заслужыў iмiдж добрасумленнага вытворцы якаснай прадукцыi на аснове садавiнавай, а пазней, i вiнаграднай сыравiны. З мясцовых дароў прыроды, якiя складаюць iльвiную долю асартыментнага раду, можна выдзелiць яблыкi, парэчкi, вiшнi, агрэст, клубнiцы, малiну, рабiну, чарнiцы, журавiны, чарнаплодную рабiну. Менавiта камбiнацыя гэтых iнгрэдыентаў i вызначае ў канчатковым вынiку колер, смак i непаўторны букет пладова-ягаднай прадукцыi. Сакрэт поспеху

Сакрэт поспеху прадпрыемства, лiчыць яго кiраўнiк Мiхаiл Акулiк, просты — якасць. Барацьба за яе пачынаецца ўжо падчас нарыхтоўкi сыравiны. Пэўна, што гарантыяй канечнай якаснай прадукцыi з’яўляецца высокая тэхнiчная аснашчанасць завода i прафесiяналiзм яго работнiкаў.

Будучыня — за вінаграднай сыравінай

З мая 2007 года на заво-дзе быў наладжаны разлiў прадукцыi на аснове вiнаграднай сыравiны, якая пастаўляецца з Малдовы i Румынii, а ў блiжэйшай перспектыве мяркуюцца пастаўкi з Балгарыi i Італii. Трэба адзначыць, што адбор вiнаматэрыялаў на завод дастаткова жорсткi: у дэгустацыйнай камiсii працуе 9 чалавек, з якiх 4 — дэгустатары мiжнароднага класа. Яны прайшлi навучанне ва Ўкраiнскiм мiжнародным iнстытуце "Магарач". Плануецца пастаяннае пашырэнне асартыменту на аснове вiнаграднай сыравiны.

Нядаўна на этыкетках вiнаграднай прадукцыi з’явiлася новая гандлёвая марка прадпрыемства — "ВiнСент" з вiнаграднай гронкай. Гэты брэнд з’явiўся ў вынiку праведзенага конкурсу сярод былых работнiкаў прадпрыемства i жыхароў г. Слонiма. Гэта iтальянскае iмя i азначае "ўладальнiк перамогi". Мяркуецца, што ўся далейшая вiнаградная прадукцыя будзе выпускацца пад указанай гандлёвай маркай.

Нас ведаюць

У Слонiме ўмеюць рабiць прадукцыю вельмi высокай якасцi, што пацвярджаецца разнастайнымi ўзнагародамi многiх мiжнародных конкурсаў ў Маскве, Ялце, Сочы, Мiнску. Вось i нядаўна прадукцыя прадпрыемства вызначылася на 11-й Мiжнароднай дэгустацыi "Вiны-2008", па вынiках якога два вiды прадукцыi на вiнаграднай i пладова-ягаднай аснове атрымалi сярэбраныя медалi.

Воцат — натуральны прадукт

У сакавiку 2005 года УДП "Слонiмскi вiнаробны завод" перададзены ўчастак па вытворчасцi воцату спiртавога. Ужо ў 2007 годзе прадпрыемства стала здзяйсняць разлiў воцату для насельнiцтва. Паводле сцвярджэння спецыялiстаў завода, спiртавы харчовы воцат з’яўляецца натуральным, бо ён вырабляецца бiялагiчным шляхам — акiсленне воцатна-кiслых бактэрый воднага раствору спiрту вышэйшай ачысткi. Таму натуральны воцат Слонiмскай вытворчасцi — бясшкодны для здароўя чалавека прадукт.

На прадпрыемстве пры вытворчасці прадукцыі выкарыстоўваецца толькі высакаякасная мясцовая сыравіна: яблыкі, парэчкі, агрэст, маліна, чарніцы, чарнаплодная рабіна, журавіны, клубніцы.
Нашы рэквiзiты:

УДП "Слонiмскi вiнаробны завод". Рэспублiка Беларусь, Гродзенская вобласць, 231800, г. Слонiм, вул. Камунiстычная, 19.

Тэл./факс: 8 (01562) 2 11 57 аддзел маркетынгу i збыту: 8 (01562) 2 15 65 е:mаil vinzаvоd slоn@mаil.ru УНП 500041379 Матэрыялы падрыхтавалі Уладзімір ЗДАНОВІЧ. Фота Яўгена ПЯСЕЦКАГА і з архіва прадпрыемства.