За таксiстаў-нелегалаў возьмуцца

Источник материала:

Сёння штраф за рамiзнiцтва без лiцэнзii складае ад 10 да 50 базавых велiчынь (адна базавая велiчыня — 35 тысяч рублёў). Сума 350 тысяч не палохае "шэрых" таксiстаў, паколькi iх даход значна перавышае памер штрафу. Адна з дзейсных мераў у дачыненнi да нелегальных таксiстаў — канфiскацыя аўтамабiля ў даход дзяржавы, калi чалавек неаднаразова трапляўся за такiя парушэннi. У гэтым выпадку падатковая служба складае адмiнiстрацыйны пратакол, справа разглядаецца ў судзе. Так, у 2007 годзе было канфiскавана 12 машын агульным коштам больш як 82 мiльёны рублёў. Сёлета могуць пазбавiцца аўтамабiляў яшчэ каля 20 нелегалаў.

Рух асабiстага аўтатранспарту будзе абмежаваны з 10.00 да 12.00 13 верасня ў сувязi з фармiраваннем у раёне КЗ "Мiнск" калоны аўтатранспарту i сельскагаспадарчай тэхнiкi i яе рухам па маршруце: вулiца Ленiна — вул. Ульянаўская — вул. Свярдлова — пр. Незалежнасцi — МКАД. З 10.00 да 16.30 таго ж дня будзе перакрыты рух аўтатранспарту па пр. Пераможцаў (ад плошчы Свабоды да МКАД) i па пр. Машэрава (ад пр. Пераможцаў да вул. Даумана). Пры гэтым паркоўка на згаданай тэрыторыi будзе забаронена ўжо напярэдаднi, 12 верасня, з 21.00. А таму сталiчная Дзяржаўтаiнспекцыя заклiкае аўтаўладальнiкаў прыняць да ўвагi гэту iнфармацыю i ў мэтах эканомii ўласнага часу выключыць згаданыя ўчасткi руху са свайго маршруту. Акрамя таго, супрацоўнiкi праваахоўных органаў папярэджваюць i аб тым, што на свята не будуць дапускацца грамадзяне ў стане алкагольнага ап’янення i асобы, якiя праносяць з сабой спiртныя напоi i пiва (у якой бы ўпаковачнай тары яны нi былi).

Высветлiлася, што зарплата за красавiк гэтага года фактычна была выплачана работнiкам прадпрыемства (а гэта 1417 чалавек) толькi 29 мая (пры ўстаноўленым калектыўным дагаворам тэрмiне выплаты 25 мая). Па вынiках праверкi кiраўнiк прадпрыемства аштрафаваны на 350 тысяч беларускiх рублёў. Пры праверцы вiцебскага прыватнага вытворчага ўнiтарнага прадпрыемства "Улiк" высветлiлася, што дырэктар парушыў тэрмiны выплаты зарплаты за май i чэрвень. На пачатак жнiўня не выплацiлi зарплату на суму 9,1 мiльёна беларускiх рублёў. Запазычанасць была пагашана толькi падчас праверкi. Кiраўнiк аштрафаваны на 525 тысяч рублёў. Толькi ў першым паўгоддзi былi праведзены больш за 930 праверак суб’ектаў гаспадарання. Па вынiках высветлены каля 100 фактаў парушэння заканадаўства аб працы ў частцы выплаты зарплаты. За парушэнне тэрмiнаў 54 наймальнiкi прыцягнуты да адмiнiстрацыйнай адказнасцi ў выглядзе штрафу на суму 50 мiльёнаў рублёў. 60 адказных асобаў аштрафаваны на агульную суму 14 мiльёнаў рублёў.

Вядома, як трапляюць дзецi ў сацыяльны прытулак: iх забiраюць з тых сем’яў, у якiх бацькi зусiм не займаюцца выхаваннем або прыклад бацькоў — толькi перашкода ў выхаваннi. Вось i ў пiнскiм прытулку жылi падлеткi... А потым выхадным днём пайшлi на могiлкi, каб "пазабаўляцца". Дзецi павыварочвалi i разбiлi каля трох дзесяткаў надмагiльных помнiкаў. Юных вандалаў знайшлi хутка. Толькi што з iх возьмеш? Яны сацыяльныя сiроты, а да крымiнальнай адказнасцi можна прыцягваць з 16 гадоў. Пакуль праваахоўнiкамi вядзецца праверка, выхавальнiкi прытулку часткова ўзнавiлi пашкоджаныя помнiкi.