ВІЧ-інфекцыя "хаваецца" ў ложку

Источник материала:

Зараз у эпiдэмiчны працэс уцягнуты ўсе раёны горада. Аднак за перыяд статыстычнага назiрання (з 1987 па 2008 год) найбольш высокi ўзровень распаўсюджанасцi ВIЧ-iнфекцыi (327 выпадкаў) быў зарэгiстраваны ў Заводскiм раёне: гэты паказчык складае 138,4 на 100 тысяч насельнiцтва, што ўдвая перавышае сярэднегарадскi паказчык (74,8 на 100 тысяч).

Большасць ВIЧ-iнфiцыраваных (79,7 працэнта ад агульнай колькасцi) складаюць маладыя людзi ва ўзросце ад 20 да 34 гадоў. Удзельная вага спажыўцоў наркатычных рэчываў дасягае ў агульнай колькасцi ВIЧ-iнфiцыраваных 60,6 працэнта. Разам з тым медыкi адзначаюць iстотную актывiзацыю ў апошнiя гады палавога шляху перадачы iнфекцыi. Для параўнання, калi ў 2003 годзе на сэксуальныя кантакты прыпадала толькi 30,3 працэнта выпадкаў перадачы ВIЧ-iнфекцыi, то ўжо ў 2006 годзе — 50 працэнтаў, у 2007-м годзе — 60,2 працэнта i за 8 месяцаў гэтага года — 67,9 працэнта выпадкаў iнфiцыравання. Раней "лiдзiраваў" iн’екцыйны шлях распаўсюджвання ВIЧ-iнфекцыi пераважна сярод наркаспажыўцоў...

На сёння ў сталiцы пастаўлены дыягназ "ВIЧ-iнфекцыя" 11 дзецям, народжаным ад ВIЧ-iнфiцыраваных мацi, з iх траiм устаноўлены дыягназ "СНIД". Адно дзiця памерла ад СНIДу. Кумулятыўная ж колькасць выпадкаў СНIДу (за ўвесь час рэгiстрацыi гэтай iнфекцыi ў Мiнску) складае 87. За гэты час ад СНIДу загiнулi 55 хворых (63,2 працэнта ад агульнай колькасцi захварэлых). За восем месяцаў гэтага года дыягназ "СНIД" быў пастаўлены 11 хворым. Таксама за перыяд статыстычнага назiрання ў сталiцы былi зарэгiстраваныя 126 смяротных выпадкаў сярод ВIЧ-iнфiцыраваных. 61,9 працэнта загiнулых былi наркаспажыўцамi. Толькi за прайшоўшы перыяд гэтага года памерлi 14 чалавек.