У дэфіцыце — кадры АПК

Источник материала:

На прадпрыемствах аграпрамысловага комплексу вобласцi налiчваецца 9092 кiраўнiкi i спецыялiсты, i на пачатак восенi вакантнымi засталiся больш за 90 указаных пасад. З пералiчаных вышэй катэгорый работнiкаў толькi 30 працэнтаў закончылi вышэйшыя навучальныя ўстановы i 57 — сярэднiя спецыяльныя. У Веткаўскiм, Добрушскiм i Нараўлянскiм раёнах усе кiраўнiкi КСУПаў i СВК маюць вышэйшую адукацыю, чаго не скажаш пра сельгасарганiзацыi iншых раёнаў.

А якая ж змяняльнасць гэтых кадраў? Павялiчваецца яна цi змяншаецца? І тут ёсць адказ. Калi ў 2006 годзе было звольнена 76 работнiкаў, якiя займалi адказныя пасады, летась — 75, дык сёлета за восем месяцаў — 57. Стабiльныя паказчыкi, адным словам.

Сёлета ў сельскагаспадарчыя прадпрыемствы вобласцi было накiравана 295 выпускнiкоў ВНУ. Даехала ж сюды толькi 88 працэнтаў iх. Як бачна, дэфiцыт кадраў у АПК не змяншаецца.

У праграме свята — навукова-практычная канферэнцыя "Лiда i Лiдчына", хрэсны ход i ўрачыстае набажэнства аб здароўi i дабрабыце гараджан, тэатралiзаваныя пастаноўкi на падставе рэальных падзей сярэднявечча ў Лiдскiм замку, "Горад майстроў", фестываль нацыянальных культур "Сузор’е дружбы" i яшчэ шмат чаго цiкавага.

На Брэстчыне зафiксаваны нетыповыя выпадкi атручэння грыбамi. Паводле iнфармацыi абласнога цэнтра гiгiены, эпiдэмiялогii i грамадскага здароўя, у Баранавiцкую бальнiцу быў дастаўлены 23-гадовы гараджанiн з прыкметамi атручэння. Ён патлумачыў, што ў iнтэрнэце знайшоў iнфармацыю пра грыбы, якiя выклiкаюць галюцынацыi. А потым назбiраў падобных па апiсаннi грыбоў i наеўся. Па такой жа прычыне наелiся сырых мухамораў i двое маладых брастаўчан, а потым трапiлi на бальнiчныя ложкi.

Рабочая Белаазёрскага энергамеханiчнага завода на забараняючы сiгнал светлафора выехала на чыгуначны пераезд i сутыкнулася з цеплавозам Бярозаўскай ДРЭС. Пацярпела маленькая дачка жанчыны, якая кiравала аўто. З цялеснымi пашкоджаннямi дзiця 2002 года нараджэння дастаўлена ў бальнiцу.