Праваслаўным хрысціянам Беларусi

Источник материала:

Сардэчна вiншую вас са знамянальнай для ўсяго праваслаўнага свету датай — 1020-годдзем Хрышчэння Русi.

Значнасць i патаемнасць гэтай вялiкай падзеi не гаснуць з цягам часу, а па-свойму асэнсоўваюцца i перажываюцца кожным новым пакаленнем. Прыняцце Праваслаўя стала паваротным момантам у лёсах усходнiх славян. Узнёсласць хрысцiянскага вучэння, яго сiла i аўтарытэт садзейнiчалi маральнаму ператварэнню i ачышчэнню людзей. Царква адыграла важную ролю ў сцвярджэннi маральных каштоўнасцяў i iдэалаў нашага народа. З веку ў век яна захоўвала i перадавала лепшыя традыцыi мiласэрнасцi, працавiтасцi i адданасцi Радзiме. Пад уплывам хрысцiянства сфармiравалiся такiя рысы нацыянальнага характару, як самаадданасць, талерантнасць, спачуванне i пачуццё справядлiвасцi.

I сёння Праваслаўная царква застаецца вернай свайму абавязку перад Богам i Айчынай, з’яўляецца чыстай крынiцай мудрасцi i надзеi, згуртоўвае грамадства, дапамагае захоўваць стабiльнасць i згоду ў нашым беларускiм доме. Жадаю вам моцнага здароўя, поспехаў у добрых справах i пачынаннях, шчасця, мiру i дабра.