"Аляксандр Маслякоў і кампанiя" перабiраюцца ў Беларусь

Источник материала:

З наступнага года ў Мiнску будзе здымацца Першая лiга КВЗ

Курыраваць працэс, дый увогуле прадстаўляць усе iнтарэсы Мiжнароднага саюза КВЗ у нашай краiне будзе наваствораная даччынае аб’яднанне "АМiК Беларусь". Падобныя структуры ўжо дзейнiчаюць, напрыклад, у Лiтве i ва Украiне, але для нас гэта ў навiнку.

Магчыма таму прыезду ў Мiнск нязменнага вядучага КВЗ Аляксандра Маслякова (старэйшага) з такiм нецярпеннем чакалi i гледачы, i беларускiя каманды КВЗ. Першыя радавалiся магчымасцi ўбачыць паўфiнал Вышэйшай лiгi з удзелам камандаў "Фёдар Дзвiняцiн", "СОК", "Максiмум", "Байкал" раней за тэлетрансляцыю, другiя спадзявалiся, што будзе нарэшце пастаўленая кропка ў зацяжным канфлiкце "беларуская Еўралiга — АмiК", або Мукавозчык — Маслякоў, калi хочаце. Нагадаем, у студзенi гэтага года на фестывалi КВЗ у Сочы прагучала аб’ява: "Еўралiга" (а менавiта праз яе многiя каманды атрымлiвалi пуцёўкi ў лiгi рангам вышэй) на год адпраўляецца ў акадэмiчны адпачынак, г.зн. не ўлiчваецца ў структуры Мiжнароднага саюза КВЗ. Беларусы адрэагавалi на заяву адназначна: "Нас закрылi!". А цяпер вось гучыць новая аб’ява, што ў Мiнску будзе дзейнiчаць iншая лiга КВЗ.

— Не. Тое, што мы гаварылi ў Сочы — адправiць Еўралiгу ў акадэмiчны адпачынак, — адбылося з-за таго, вiдаць, што лiга працавала пад нашым чулым кiраўнiцтвам, але з часам яно аслабла, i ў лiзе сталi адбывацца рэчы, якiя, па водгуках гуляючых там камандаў, iм не падабалiся. А калi iм не падабаецца — што ж мы, трэба рэагаваць... Словам, мы кiраўнiцтва з лiгi на год як мiнiмум знялi, але гэта не значыць, што мы яе закрылi. Беларусь — свабодная дзяржава, i няхай тут кожны гуляе ў што хоча i дзе захоча.

— Чаму ж, iснуе вельмi многа лiг, я нават не ведаю цяпер iх дакладную колькасць, але галоўнае, што кожны студзень у Сочы збiраецца больш як 500 камандаў КВЗ, i там вызначаецца, хто ў якой лiзе гуляе. Каб мы не глядзелi на гэтыя каманды як на зусiм чужых людзей, каб ведалi хоць частку з iх, iснуюць такiя структуры, нават не афiцыйныя. Адкрыццё Першай лiгi ў Мiнску — гэта проста дадатковая магчымасць большай колькасцi людзей згуляць у любiмую гульню, i потым рухацца да ззяючых вяршыняў КВЗ. Прычым гэта датычыцца не толькi беларускiх камандаў — гэта лiга адкрытая, натуральна, тут будуць i расiйскiя каманды, i ўвогуле ўсе, хто захоча прыехаць.

— У Беларусi з наступнага года будзе цэлыя дзве амiкаўскiя лiгi, — дадае дырэктар Тэлевiзiйнага творчага аб’яднання "АМiК" Навум Баруля, — Першая i мiжрэгiянальная лiга "Палессе", якая працуе ў Гомелi. У абедзве можна трапiць, прыехаўшы на фестываль у Сочы, i мець абсалютна роўныя правы з усiмi iншымi камандамi. Каманда можа выказаць i iншыя пажаданнi — "Прынцып БДУ", напрыклад, захацела гуляць у Кiеве, ёй далi такую магчымасць. Але не трэба чакаць ад "АМiК" каманды, дзе гуляць, а дзе не гуляць. Гуляць можна, дзе хочацца.

— Шчыра скажу, усе конкурсы крыху забытыя, няма нiчога абсалютна новага. Вось кiраўнiк цяперашняга беларускага КВЗ спрабуе даказаць навакольным, што ён прыдумаў КВЗ у Беларусi (гэта дзiўна чуць), што некаторыя конкурсы вынайшлi толькi ў Еўралiзе... "Бiятлон", напрыклад. А я вам магу расказаць тое, што нiхто, пэўна, акрамя мяне, не памятае i не ведае — у 70-я гады быў конкурс "Чуткi", толькi гульцы стаялi не за стойкамi, а высоўвалiся ў акенцы i гаварылi жарты. Тое ж самае. Альбо конкурс агучвання кiно, вiдэафрагментаў — гэта таксама было яшчэ ў 70-я... Калi гуляюць добрыя каманды, ты забываешся на тое, стары конкурс цi новы. Але свежыя iдэi таксама з’яўляюцца пастаянна — i з Беларусi, i з Украiны, i з ЗША, i з Аўстралii, з усiх краiн, дзе мы бываем.

Дарэчы, сярод беларускiх камандаў, паводле ацэнак маскоўскага "АМiК", даволi многа перспектыўных. Хвалiлi, у прыватнасцi, "Прынцып БДУ", "Опять 25" з Гомеля, "Гораздо" з Брэста... А наконт каманды КВЗ БДУ Аляксандр Маслякоў заўважыў, што гэта была "адна з пяцi самых любiмым маiх камандаў". Праўда, у цяперашнi час былыя гульцы разышлiся хто ў пабочныя тэлепраекты, хто ў сцэнарысты серыялаў. "Людзi iмкнуцца зарабляць "бабло", — пракаментаваў творчасць колiшнiх падапечных прэзiдэнт МС КВЗ, вiдаць, забыўшыся, што афiцыйныя гастролi камандаў КВЗ, у тым лiку паўфiнальная гульня, паказаная ў Мiнску 19 кастрычнiка — таксама не дабрачыннасць...

Так цi iнакш, адказы на некаторыя пытаннi i гледачы, i каманды КВЗ атрымалi. Цi былi iмi задаволеныя — iншая справа. Нам застаецца толькi прымянiць фармулёўку "пажывём — пабачым". Паўфiнал Вышэйшай лiгi пабачым ужо 24 кастрычнiка, старт Першай лiгi — у наступным годзе, а беларускi КВЗ, тую самую закiнутую Еўралiгу — увесь год на iншым тэлеканале.