Што рабiць, калi ў доме пажар?

Источник материала:

Калi вы бачыце, што лiквiдаваць ачаг пажару ўласнымi сiламi немагчыма, выклiкайце выратавальнiкаў-пажарных.

Зачынiце дзверы ў памяшканне, дзе пачаўся пажар, каб папярэдзiць распаўсюджванне агню. Паведамiце пра пажар суседзям, выведзiце ў бяспечнае месца састарэлых i дзяцей. Арганiзуйце сустрэчу падраздзяленняў МНС, пакажыце ачаг пажару i паведамiце пра наяўнасць у жыллi людзей.

Калi эвакуявацца па лесвiчных маршах немагчыма, выкарыстайце балконную пажарную лесвiцу. Калi яе няма — выйдзеце на балкон, зачынiце за сабой дзверы i крыкамi або iншым спосабам прыцягвайце да сябе ўвагу. Падчас пажару нельга карыстацца лiфтам — яго кабiна можа спынiцца i ў вынiку вы апыняцеся ў пастцы.

Калi выбрацца з кватэры немагчыма — застаньцеся ў ёй. Не адчыняйце дзверы i вокны, каб пазбегнуць прытоку паветра да ачагу пажару. Каб не атруцiцца прадуктамi гарэння, закрыйце адтулiны i шчылiны змочанымi ручнiком, анучамi. Калi ёсць магчымасць, палiвайце дзверы знутры вадой. Кладзiцеся на падлогу: там заўсёды ёсць свежае паветра.