У раскладзе руху аўтобусаў — змяненні

Источник материала:

27 января 2009 Общество
Сяргей РАСОЛЬКА, Звязда Згодна з iнфармацыяй КУП "Мiнкстранс", у раскладзе руху аўтобусаў, якiя адпраўляюцца з некаторых сталiчных аўтавакзалаў, адбылiся i яшчэ адбудуцца ў найблiжэйшы час пэўныя змяненнi.

Так, з 1 лютага спыняецца рух аўтобусаў па маршруце Мiнск — Рыга праз Вiльнюс, рэйс адпраўленнем з Мiнска ад аўтавакзала "Усходнi" у 8.20 (з Рыгi — у 8.20) па ўсiх днях тыдня. Толькi 6 i 11 лютага аўтобус з Рыгi будзе адпраўляцца ў 8.20 (замест 7.30) па маршруце Мiнск — Рыга праз Даўгавпiлс без пераафармлення дакументаў.

З 23 студзеня па 25 сакавiка прыпыняецца рух аўтобусаў па маршруце Мiнск—Кiшынёў, рэйс адпраўленнем з Мiнска ад аўтавакзала "Усходнi" ў 11.20 (з Кiшынёва ў 11.20 з 21 студзеня).

З 20 студзеня прыпыняецца рух аўтобусаў па маршруце Мiнск—Беласток, рэйс адпраўленнем з Мiнска ад аўтавакзала "Усходнi" у 22.35 (ад д/с "Дружная" у 22.55) па пятнiцах (з Беластока — па чацвяргах) — будзе толькi па нядзелях. Пасажыры, што хочуць выехаць у Беласток, могуць скарыстацца штодзённым рэйсам па маршруце Гродна — Беласток адпраўленнем з Гродна ад чыгуначнага вакзала ў 5.50 (прыбыццё ў Гродна з Беластока — у 19.30), раяць спецыялiсты прадпрыемства. Кошт праезду на гэтым рэйсавым аўтобусе складае 31 тысячу беларускiх рублёў (кошт двухбаковага бiлета — 53 тысячы рублёў). Бiлеты можна набыць на аўтавакзале г. Мiнска. Са сталiцы ў Гродна штодзённа ў 23.22 адпраўляецца цягнiк, якi прыбывае ў Гродна ў 5.38; з Гродна ад аўтавакзала ў 20.00 адпраўляецца аўтобус па маршруце Гродна — Мiнск (або можна скарыстацца вячэрнiм цягнiком з Гродна ад чыгуначнага вакзала).

Таксама з 26 студзеня па 15 красавiка прыпыняецца рух аўтобусаў па маршруце Мiнск —Узда праз Энергетык, у прыватнасцi, гэта рэйсы: адпраўленнем з Мiнска ад аўтавакзала "Усходнi" у 8.50 (з Узды ў 6.20) па ўсiх днях тыдня; з Мiнска ў 19.50 (з Узды ў 18.20) па панядзелках, аўторках, серадах i чацвяргах.