«Малады фронт» зноў спрабуе зарэгістравацца

Источник материала:

Больш чым у 30 гарадах Беларусі былі пададзены заявы ў мясцовыя выканкамы з патрабаваньнем прадставіць памяшканьні для правядзеньня устаноўчых сходаў, неабходных для рэгістрацый мясцовых суполак «Маладога фронту» і забясьпечыць юрыдычныя адрэсы.

«Малады фронт» ажыцьцяўляе 5-ю спробу рэгістрацыі аб’яднаньня. Праўда, на гэты раз у новым фармаце — найперш будуць рэгістравацца асобныя гарадзкія філіі «МФ».

Менавіта адсутнасьць у гарадах месца для правядзеьня ўстаноўчых сходаў і юрадрэсы зьяўляюцца двума найвялікшымі праблемамі пры рэгістрацыі арганізацыі. Таму «Малады фронт» накіраваў заявы ў мясцовыя выканкамы з патрабаваньнем паспрыяць рэалізацыі канстытуцыйнага права на свабоду аб'яднаньняў.

«Мін’юст заяўляе аб тым, што апошнім часам у краіне рэгіструюцца многія грамадзкія аб’яднаньні, — гаворыць старшыня «Маладога фронту» Зьміцер Дашкевіч. — Большасьць зь іх рэгіянальныя, пракамсамольскія ініцыятывы і атрымоўваюць афіцыйны статус у раённых выканкамах. Беларускія ўлады гэтым паказваюць быццам бы сваё жаданьне разьвіваць і дэмакратызаваць грамадзка-палітычны сэктар. Таму «Малады фронт» прыняў рашэньне пачаць чарговую спробу рэгістрацыі з рэгіянальных структураў, пратэставаўшы такім чынам і мясцовае кіраўніцтва на жаданьне весьці сапраўдны дыялог з грамадзтвам. Рэакцыя раённых выканкамаў будзе таму сьведчаньнем».