Тройка самых патаннелых валют Еўропы

26.08.2009 12:07 — |

Размер текста:: A; A; A

Источник материала:

У тройку валют Еўропы, якiя найбольш згубiлi ў курсе за апошнiя паўгода, уваходзяць украiнская грыўня, польскi злоты i расiйскi рубель. Пра гэта пiша ўкраiнская газета "Справа", якая прааналiзавала тэмпы дэвальвацыi валют Усходняй Еўропы.

Лiдарам рэйтынгу стала грыўня — за паўгода яна патаннела на 50 %. Па стаўленнi да якой валюты або кошыка валют праводзiлася даследаванне, газета не ўдакладнiла.

Польскi злоты абясцэнiўся з верасня 2008 года на 36,5 %, а рубель — на 31 %. Пры гэтым менш за ўсё з усходнееўрапейскiх валют патаннеў малдаўскi лей — усяго на 10 %.

У сакавiку "Газпрам" можа iзноў спынiць пастаўкi газу Украiне
"Газпрам" 8 сакавiка можа прыпаднесцi чарговы святочны "падарунак" — iзноў спынiць пастаўкi блакiтнага палiва ва Украiну.

Газавы вентыль перакрыюць у выпадку, калi "Нафтагаз" Украiны да 7 сакавiка не заплацiць за пастаўленую ў лютым 2009 года сыравiну, пiша газета "Камерсант". На нарадзе дырэктараў расiйскай манаполii намеснiк старшынi праўлення "Газпрама" Андрэй Круглоў заявiў, што да гэтага часу Украiна павiнна выплацiць 400 мiльёнаў долараў.

Кiтай абвiнавацiў ЗША ва ўмяшаннi ў свае ўнутраныя справы

Афiцыйны Пекiн аспрэчыў крытычныя заявы аб пагаршэннi становiшча з правамi чалавека ў краiне i ў сваю чаргу абвiнавацiў ЗША ў выкарыстаннi тэмы грамадзянскiх свабод для ўмяшання ва ўнутраныя справы iншых краiн. Заявы былi зроблены ў адказ на публiкацыю штогадовага даклада Дэярждэпа ЗША аб выкананнi правоў чалавека ў свеце. ЗША паслабяць паўвекавую блакаду "вострава Свабоды"?
Законапраект, якi прадугледжвае паслабленне санкцый у стаўленнi да Кубы, ухвалены палатай прадстаўнiкоў Кангрэса ЗША.

Дакумент адмяняе забароны на паездкi на Кубу, уведзеныя ў 2004 годзе адмiнiстрацыяй Джорджа Буша. У адпаведнасцi з правiламi, якiя зрабiлi больш жорсткiм рэжым гандлёва- эканамiчнай блакады Гаваны, што дзейнiчае з 1962 года, амерыканцам кубiнскага паходжання дазвалялася ездзiць на востраў раз у тры гады на тэрмiн, якi не перавышае 14 дзён. Пры гэтым iм дазвалялася расходаваць там не больш за 50 долараў у суткi. Зараз прапаноўваецца дазволiць грамадзянам ЗША ездзiць на Кубу раз у год на неабмежаваны перыяд i пакiдаць там да 170 долараў у дзень. Адначасова плануецца распаўсюдзiць гэтыя правiлы на асобаў, якiя маюць на Кубе не толькi блiзкiх, але i далёкiх сваякоў. Акрамя таго, законапраект лiквiдуе створаныя ранейшым амерыканскiм урадам перашкоды, якiя рабiлi вельмi складаным працэс закупак Кубай у Злучаных Штатах прадуктаў харчавання i медыкаментаў.

Теги: Курсы валют