Без добрай кармы флэшкi не будзе?

Источник материала:

Сёння з ранiцы я зразумеў, што нармальнага, чалавечага бiзнэсу ў нас не будзе яшчэ некалькi дзесяцiгоддзяў. Вiдаць, пакуль не вырасце некалькi новых пакаленняў... Здаецца, якая дробязь — мне захацелася купiць сабе флэшку. Нармальная жаданне ў стагоддзе лiчбавых тэхналогiй, камп’ютараў i ноўтбукаў. І зрабiў усё па-цывiлiзаванаму, як прынята ў сучасных еўрапейцаў цi амерыканцаў — залез у iнтэрнэт, знайшоў патрэбную мне мадэль флэшкi па прымальнай для мяне цане ў адной з iнтэрнэт-крамаў. Там нават i адрас рэальны быў — можна было да iх самому завiтаць i флэшачку забраць, каб кур’ера палову дня не чакаць.

"Ну, — думаю, — вось яно, маё шчасце, куплю сабе флэшачку на 8 гiгабайт i не буду з дыскамi цягацца". Ужо ехаць збiраўся, ды вырашыў спачатку высветлiць, цi ёсць яна ў iх у наяўнасцi. I завязалася ў нас перапiска, пасля якой у мяне i ўзнiклi сумненнi наконт блiзкай светлай будучынi айчыннага бiзнэсу. Цытую прыкладны ход размовы.

— Добры. Не.

— Тавар не заўсёды ў наяўнасцi, у яго ёсць уласцiвасць заканчвацца. Што зробiш, калi Вам проста не шанцуе, Вам бы карму сваю змянiць, можа, больш удачлiвым будзеце.

— Адчынiце сваю краму i будзеце рабiць так, як Вам захочацца, калi, вядома, гэта ў Вас атрымаецца. Тавар можа некалькi разоў у дзень заканчвацца, i яго могуць падвозiць iзноў, таму нават няма сэнсу ў Вашай прапанове. Да таго ж на сайтах iнтэрнэт-крамаў пiшуць: "удакладняйце наяўнасць тавару".

Вось такiя пiрагi. Сяджу i думаю, як кажуць, цi то лыжы не едуць, цi са мной нешта не ў парадку. Мне чамусьцi здавалася, што ў iнтэрнэце гандлем займаюцца людзi маладыя, сучасныя, "прасунутыя"... А то такое адчуванне, быццам я не за свае грошы флэшку купляю, а спрабую на халяву яе ў латарэю выйграць... Ну i ладна, пайду шукаць шчасця i выпраўляць карму ў iншым месцы, мне ж без рознiцы, дзе флэшку купляць.