Зялёнаму суботніку — зялёнае святло

Источник материала:

ЗП "Брыцiш Амерыкан Табако" не толькi з’яўляецца актыўным iграком на беларускiм рынку ў дзяржаўнай праграме iмпартазамяшчэння, наладзiўшы выпуск на вытворчых плошчах ААТ "Гродзенская тытунёвая фабрыка "Нёман" брэндавых марак сваёй прадукцыi, але i кампанiяй, якая хварэе за экалагiчную сiтуацыю ў краiне. Пацвярджэннем сур’ёзных намераў БАТа не ўскосна, а напрамую паўдзельнiчаць у праграме "Год зямлi", сталi мiнулыя выхадныя. Практычна ўвесь працоўны калектыў фірмы выехаў ў Маладзечанскi лясгас для пасадкi саджанцаў бярозы i сасны.

Паводле слоў генеральнага дырэктара ЗП "Брыцiш Амерыкан Табако" Эдуарда Грамовiча, такая акцыя на Мiншчыне робiцца не дзеля "галачкi", бо калектыў БАТа ўдзельнiчае ў падобным мерапрыемстве ўжо трэцi год запар. У 2006 годзе на дзялянцы агульнай плошчай 2,5 га было пасаджана 14 тысяч дрэваў, годам пазней — 20 тысяч, а сёлета — 25 тысяч дрэваў. У дадатак да працоўнага "подзвiгу" калектыву Маладзечанскага лясгаса перададзены ў якасцi працоўных iнструментаў кустарэзы вядомай замежнай фiрмы.

Зрэшты, "зялёныя" суботнiкi сталi добрай традыцыяй i ў iншых калектывах, напрыклад у Нацыянальным алiмпiйскiм камiтэце краiны, супрацоўнiкi якога, а таксама ветэраны спорту i журналiстыкi, тыднем раней на тэрыторыi сталiчнага САКа "Алiмпiйскi" займалiся пасадкай садовых дрэваў на Алеi алiмпiйскiх чэмпiёнаў. Чатыры дзясяткi саджанцаў давяршылi пачатую яшчэ два гады таму чатырохрадковую садовую алею.

Паводле слоў трохразовага алiмпiйскага чэмпiёна Аляксандра Мядзведзя, удзел у такiх мерапрыемствах — вельмi неабходная справа.

Аляксандр Васiльевiч падкрэслiў, што самы значны ў яго жыццi суботнiк быў у 1998 годзе, калi ён разам з кiраўнiком дзяржавы Аляксандрам Лукашэнкам заклалi ў Мiнску жылы алiмпiйскi комплекс, якi стаў пачаткам ўзвядзення дамоў для спартсменаў i iх трэнераў, а таксама работнiкаў спартыўна-алiмпiйскай галiны ва ўсiх рэгiёнах краiны.