Падкова

Источник материала:

"Знайсці старое жалеза, асаблiва падкову, — знайсцi сваё шчасце"

l Пад аркай-ручнiком праходзiлi маладыя, калi выходзiлi з хаты i ехалi да вянца ў храм.

l У шэрагу вялiкiх гадавых святаў абавязковым атрыбутам была арка. На Сёмуху маладзiцы завiвалi галiнкi бярозы — рабiлi арку, праз якую трэба было прайсцi сяброўкам, узяўшыся за рукi — пакумiцца, г.зн. пасябраваць. На жнiво з каласоў саспелай пшанiцы плялi касу-арку, якой упрыгожвалi дзверы хат.

l Можа быць, менавiта таму падкова, прыбiтая ў хаце над парогам, сiмвалiзавала не што iншае, як арку, пад якой "пасялiлася" шчасце (славяне вешалi падкову "ражкамi" ўнiз, у адрозненне ад англiйскай традыцыi вешаць падкову "ражкамi" ўверх).

l Яшчэ адна з прычын, чаму падкова стала знакам шчасця i ўдачы, была ў тым, што ў ранейшыя часы багатыя людзi падковы сваiм любiмым рысакам рабiлi не толькi з жалеза, але i са срэбра, а бывала, i з золата. Здаралася, што даволi дарагiя падковы гублялiся. А той, хто знаходзiў такую падкову, раптоўна станавiўся багатым чалавекам.

l Падкову надзялялi ўласцiвасцямi ахоўнага характару. Лiчылася, што ў хату, над парогам якой вiсiць падкова, нiколi не трапiць нячыстая сiла.

l Нярэдка падкову выкарыстоўвалi ў магiчных дзеяннях. Напрыклад, каб вылечыць хворага, якi пакутуе ад жорсткага рэўматызму, раiлi пад матрац яму пакласцi дзве старыя падковы — адну ў галаве, другую ў нагах, але канцамi ўнутр, i сказаць: <І>"Раней па зямлi бiлi, а зараз каб раба (iмя) абаранiлi. Амiн" .

l Рыбакi ў мэтах бяспекi свайго судна прыбiвалi падкову на мачце.

l Iснавала наступнае паданне аб магiчных уласцiвасцях падковы: калi знойдзеную на дарозе падкову кiнуць праз левае плячо i задумаць жаданне, яно абавязкова спраўдзiцца.