Стасункi з вялiкiм патэнцыялам

Источник материала:

На наступнай сесii ў беларускiм парламенце плануецца стварыць групу па супрацоўнiцтве з Харватыяй.

— Мы разглядаем Харватыю як перспектыўнага партнёра Беларусi ў Балканскiм рэгiёне, — падкрэслiў Уладзiмiр Андрэйчанка, старшыня Палаты прадстаўнiкоў, падчас сустрэчы з Нябойшам Кахаровiчам, паслом Харватыi ў Беларусi (па сумяшчальнiцтве). Спiкер адзначыў зацiкаўленасць беларускага боку ў развiццi ўзаемавыгадных стасункаў з Харватыяй. Тым больш што, на думку палiтыка, ёсць усе падставы развiваць гэтыя стасункi — гандлёва-эканамiчныя, палiтычныя, у сферы культуры, адукацыi, спорту, турызму. Важным складальнiкам з'яўляецца i мiжпарламенцкi дыялог — не толькi ў двухбаковым фармаце, але i ў мiжнародных арганiзацыях.

Група па супрацоўнiцтве з Беларуссю ўжо створана ў Саборы (парламенце Харватыi). У Нацыянальным сходзе аналагiчнай групы пакуль няма, аднак Уладзiмiр Андрэйчанка запэўнiў, што ў самы блiзкi час, лiтаральна на восеньскай сесii (яна пачынаецца 2 кастрычнiка) "мы вернемся да гэтага пытання i таксама створым такую групу".

Нябойша Кахаровiч зрабiў акцэнт на тым, што Беларусь — вельмi цiкавая краiна з вялiкiм патэнцыялам. Паводле слоў пасла, такую пазiцыю падзяляюць i харвацкiя iнвестары. Дыпламат паведамiў, што на працягу гэтага года плануецца падпiсаць два пагадненнi, якiя паспрыяюць рабоце харвацкiх iнвестараў у Беларусi. Карацей, планаў багата, i патэнцыял у стасункаў памiж двума славянскiмi народамi вялiкi.