Травы i лекi: саюзнiкi цi ворагi?

Источник материала:

Сёння бiядабаўкi з лекавымi раслiнамi становяцца ўсё больш папулярнымi. Яны прадаюцца без рэцэпта, i мы прапiсваем iх сабе самi, не раячыся з доктарам. Чаму не — гэта ж не "хiмiя", а "траўкi"! Але рэчывы, што ўтрымлiваюцца ў зёлках, — таксама магутная "зброя", як і сінтэтычныя прэпараты. I ўжытыя разам, яны нярэдка могуць выклiкаць непрадбачаныя непрыемныя рэакцыi. Як пазбегнуць гэтага?

Па-першае, папярэдзьце свайго ўрача аб усiх травах i бiядабаўках, якiя вы прымаеце.

Па-другое, нядрэнна падстрахавацца i пракансультавацца з квалiфiкаваным фiтатэрапеўтам.

Па-трэцяе, пiце лекi i травы ў розны час сутак, каб пазбегнуць "непажаданых сустрэч".

e Не варта прымаць эхiнацыю разам з супрацьгрыбковымi прэпаратамi: спалучэнне таксiчнае для печанi.

e Не пiце эхiнацыю адначасова з лекамi, якiя падаўляюць iмунiтэт: яны нейтралiзуюць дзеянне адно аднаго.

e Эхiнацыя забароненая хворым на аўтаiмунныя захворваннi, туберкулёз i СНIД.

e Не варта прымаць прэпараты валяр'янавага кораня разам з iншымi лекамi ад бяссоннiцы i антыдэпрэсантамi: iх заспакаяльнае дзеянне можа падсумавацца з непрадказальнымi наступствамi.

e Валяр'ян i iншыя заспакаяльныя травы не рэкамендуецца прымаць разам з антыгiстамiннымi прэпаратамi.

e Прэпараты гiнкга не варта прымаць разам з антыкаагулянтамi (рэчывамi, якiя разрэджваюць кроў): iх сумеснае дзеянне можа прывесцi да празмернага разрэджвання крывi, крывацёку i кровазлiццю.

e Непажаданае спалучэнне гiнкга i прэпаратаў для лячэння дэпрэсii.

e Зверабой не варта прымаць з лекамi, якiя павышаюць святлоадчувальнасць (напрыклад, некаторыя антыбiётыкi): ён можа ўзмацнiць гэты эфект.

e Не варта пiць зверабой, калi вы прымаеце антыдэпрэсанты, што ўплываюць на ўтрыманне сератанiну: эфекты могуць падсумоўвацца.

e Людзям, якiя прымаюць супрацьсутаргавыя прэпараты, не варта пiць зверабой без узгаднення з урачом.

e Паводле звестак апошнiх даследаванняў, зверабой можа знiжаць эфектыўнасць супрацьзачаткавых таблетак, а таксама некаторых сродкаў супраць астмы.

e Жэньшэнь садзейнiчае разрэджванню крывi, таму яго нельга прымаць адначасова з сардэчнымi, супрацьгiпертанiчнымi i антыдыябетычнымi сродкамi.

e У спалучэннi з кавай i прэпаратамi кафеiну выклiкае раздражняльнасць.

e Не варта ўжываць яго да або адразу пасля хiрургiчных аперацый, паколькi гэта можа справакаваць моцны крывацёк.

e Не варта ўжываць лакрыцу, калi вы прымаеце антыдыябетычныя сродкi: яна перашкаджае iх дзеянню.

e Лакрычнiк змяншае запасы калiю ў арганiзме i можа выклiкаць сардэчную арытмiю, асаблiва ў пацыентаў, якiя прымаюць некаторыя кардыяпрэпараты. Таксама не варта спалучаць яго з дыурэтыкамi, паколькi пры гэтым страта калiю рэзка павялiчваецца.

e Лакрычнiк знiжае актыўнасць шчытападобнай залозы, а таму можа спатрэбiцца змяненне дозы лекаў, якiя стабiлiзуюць выпрацоўку яе гармонаў.

e Не прымайце лакрычнiк з гiпатэнзiўнымi прэпаратамi — ён знiжае iх эфектыўнасць.

e Прэпараты лакрычнiку не рэкамендуюцца пры праблемах з ныркамi i мачавым пухiром.

e Можа перашкаджаць усмоктванню жалеза, кальцыю, цынку, вiтамiну В12, а таксама некаторых лекаў.