Главная
Гороскопы
Вторник, 09.02.2010
-
Так спявалi ў гэтыя днi нашы продкi. Масленiца пачалася! Яна будзе доўжыцца тыдзень, а шкада. Бо хоць гэты тыдзень, згодна з царкоўным календаром, павiнен падрыхтоўваць праваслаўны народ да самага строгага i працяглага посту i мае свае абмежаваннi — мясныя прадукты ўжо не ядуць, вянчаннi не адпраўляюць — але яго надта любiлi. Гэты тыдзень называлi таксама Сырны, Крывы, Пусты, Рабы i Развiтальны. А яшчэ — Весяльнiца. З зiмой развiтвалiся весела i з размахам: каталiся на санках i конях, гушкалiся на арэлях, вадзiлi карагоды, спявалi песнi, хадзiлi ў госцi, цягалi "калодку", ладзiлi масавыя катаннi з горак, кiрмашы, паказвалi батлейку. І ўсё гэта было не проста так, а мела магiчны сэнс. Напрыклад, на арэлях гушкалiся, каб лён доўгi рос. А звычай цягання "калодкi" быў звязаны з выбарам пары.
-
Алiварыя i сталiчнае УДАI правялi мяжу памiж кiраваннем аўто i ўжываннем спiртных напояў — Нi за якiя пернiкi не сяду за руль п'янай — занадта пакутлiва мне правы далiся, — любiць паўтараць мая сяброўка, якая з дзясятак разоў безвынiкова "штурмавала" перакрыжаваннi ў раёне Сямашка, пакуль у рэшце рэшт не вярнулася дамоў з пасведчаннем кiроўцы
-
Крыўдна i балюча бывае за тое, што нас часам iмкнуцца пазбавiць таго цi iншага кавалка гiсторыi, а яшчэ больш душа пакутуе ад таго, што камусьцi хочацца, каб мы забылiся на свае каранi, на глыбiнныя вытокi, якiя не сапсаваны цывiлiзацыяй, замежнымi запазычаннямi, якiя здольныя наталiць смагу душы i паказаць духоўны свет нашых продкаў праз найбагацейшае суквецце традыцый, звычаяў, святаў, абрадаў, песень, карагодаў, строяў, прыкмет i павер'яў.
-
На пытаннi карэспандэнта газеты "Звязда" адказвае першы намеснiк старшынi Дзяржаўнага камiтэта па маёмасцi Беларусi Сяргей Пяткоў — Сяргей Аркадзьевiч удакладнiце, як ажыццяўляецца кiраванне дзяржмаёмасцю на сучасным этапе? — Спачатку адзначу, што Дзяржаўны камiтэт па маёмасцi выконвае функцыi ў сферы кiравання, распараджэння, прыватызацыi, ацэнцы i ўлiку маёмасцi, што знаходзiцца ва ўласнасцi Рэспублiкi Беларусь. Гэтыя функцыi наш камiтэт атрымаў згодна з Указам Прэзiдэнта Рэспублiкi Беларусь ад 5 мая 2006 г
-
Прачытала водгук MADONNы (5 лютага) на артыкул Аляксандра Пятрова "Скажыце дзiцяцi "Так" (3 лютага). І вырашыла выказацца з нагоды аднаго толькi пасылу аўтаркi. Пра непажаданых дзяцей. Лiчу, што пытанне гэта куды больш складанае i тонкае, чым яго падае апанент Аляксандра Пятрова.
-
Згодна з папярэднiмi звесткамi Цэнтральнай выбарчай камiсii (ЦВК) Украiны, Вiктар Януковiч апярэджвае Юлiю Цiмашэнку ў другiм туры з невялiкiм адрывам 2,09 %. Пасля апрацоўкi 95,76 % пратаколаў лiдар Партыi рэгiёнаў набiраў 48,28 % галасоў, прэм'ер-мiнiстр — 46,11 %. Сёння ранiцай стануць вядомыя ўдакладненыя папярэднiя вынiкi галасавання, канчатковыя — 17 лютага.
-
Федэральны ўрад ЗША аб'явiў панядзелак, 8 лютага, для сваiх служачых нерабочым днём у сувязi з моцным снегападам, якi прайшоў у мiнулыя пятнiцу-суботу на цэнтральнай частцы Усходняга ўзбярэжжа краiны i практычна накрыў Вашынгтон. Нягледзячы на тое, што нядзеля, як i абяцалi сiноптыкi, была вельмi сонечная, тэмпература паветра ў амерыканскай сталiцы i яе наваколлi трымалася на адзнацы каля мiнус 7 градусаў па Цэльсiю, i снег, таўшчыня якога ў Вашынгтоне дасягала прыкладна 60 см, практычна не раставаў. Большасць жа дарог у рэгiёне ў мiнулы дзень так i заставалiся без перабольшання непраходнымi, хоць уборачная тэхнiка працавала бесперапынна.
-
Асуджаны афiцэр унутранай службы — былы начальнiк аддзела тылавога забеспячэння папраўчай калонii Глыбокага, якi скраў са сховiшча агароднiны калонii 480 кiлаграмаў свежамарожанага селядца. Як расказаў "Звяздзе" Мiхаiл Сашчэка, пракурор аддзела пракуратуры Вiцебскай вобласцi па наглядзе за разгляд крымiнальных спраў у органах пракуратуры, вывозiлi селядцы са сховiшча калонii сам былы начальнiк i яго падначалены. Былы начальнiк спадзяваўся, што рэалiзуе скрадзенае ў краме праз свайго знаёмага, у якога сваякi маюць дачыненне да гандлю.
-
Арганiзатары XVІI Мiнскай мiжнароднай кнiжнай выставы-кiрмашу спадзяюцца, што сёлета наведвальнiкаў у Нацыянальным выставачным цэнтры "Белэкспа" будзе не менш, чым у мiнулыя гады. Летась выставу наведалi каля 40 тысяч чалавек. I ёсць спадзяванне, што сёлета iх будзе больш. Бо вельмi iмкнулiся стварыць умовы для таго, каб людзi не толькi iшлi глядзець на прадукцыю кнiжных выдаўцоў, але i маглi набыць самыя розныя кнiгi без нацэнкi, што асаблiва падкрэслiваюць арганiзатары, прызнаўшы пры гэтым не зусiм правiльна: кнiга павiнна каштаваць аднолькава i ў краме, i на выставе. Аднак пакуль у нас дбаюць пра тое, каб захаваць у людзей цiкавасць да чытання i жаданне набываць кнiжныя навiнкi.
-
У Фрунзенскiм раёне за апошнiя два гады пабудавана каля аднаго мiльёна квадратных метраў жылля. За гэты час тут былi здадзеныя ў эксплуатацыю прыкладна 15 тысяч кватэр. У той жа час, як расказаў кiраўнiк адмiнiстрацыi Фрунзенскага раёна Барыс Васiльеў, колькасць насельнiцтва за гэты час прырасла ўсяго на 10 тысяч, г.зн. многiя навасёлы не спяшаюцца прапiсвацца ў свае новыя кватэры. Усяго ў раёне на сёння пражываюць 373 тысячы чалавек.
-
Вулiца Герцэна знаходзiцца недалёка ад чыгуначнага вакзала i ад галоўнай плошчы Вiцебска. — Так, цяпер не сезон для катання на каруселях i гульняў дзяцей у пясочнiцы. Але, як i зiма, цёплае надвор'е прыходзiць часта "раптам". На дваровай тэрыторыi дома № 24 корпус 2 па вулiцы Герцэна ў Вiцебску (побач дом 24 корпус 1) ёсць пясочнiца, па перыметры якой чамусьцi не драўляныя "элементы", а бетонныя! — абураецца адна з жанчын. — А недалёка карусель, аснова якой чамусьцi вышэй за ўзровень зямлi, больш за тое, над ёй ва ўсе бакi выходзяць металiчныя канструкцыi. Пагадзiцеся, лёгка можна паранiцца дзецям, катаючыся на такiх каруселях. Ужо было некалькi выпадкаў, калi дзецi падалi з каруселi i атрымлiвалi траўмы
-
Духаў дзень у народнай свядомасцi звязаны з ушанаваннем русалак, а ўвесь перыяд з панядзелка пасля Тройцы да наступнага панядзелка называецца Русальны тыдзень. Беларусы верылi, што ў гэтыя днi русалкi выходзяць з вады i могуць нашкодзiць чалавеку: заманiць маладых хлопцаў у сваё падводнае царства. Менавiта таму ўвесь гэты тыдзень дзяцей не пускалi гуляць каля адкрытых вадаёмаў, а дарослым забаранялася купацца.
-
У Калюжках вяскоўцы мусiлi аплацiць расчыстку дарог са сваёй кiшэнi Тамара Васiльеўна Ждановiч пражывае са сваiм мужам (86-гадовы бацька, iнвалiд вайны, з 1 лютага знаходзiцца ў шпiталi) у вёсцы Калюжкi Смалявiцкага раёна па адрасе... Зрэшты, заяўнiца не змагла назваць вулiцу i дом, паколькi, як прызналася, папросту... не ведае iх. Але гэта ўжо другая частка пытання Тамары Васiльеўны, хоць яна i звязаная з першай, галоўнай.
-
Васьмiразовая чэмпiёнка свету па веласпорце, бронзавы прызёр Алiмпiйскiх гульняў у Афiнах 34-гадовая Наталля Цылiнская ў другi раз стала матуляй. 5 лютага ў яе нарадзiлася дзяўчынка.
-
Спявачка Берта стала лаўрэатам першага i прызёрам другога тура мiжнароднага конкурсу "Я — зорка", зладжанага аднайменным украiнскiм парталам i кiеўскай радыёстанцыяй Music radio. Конкурсная песня беларускi "Птушка" заняла ў першым туры конкурсу 4-е месца i ўвайшла ў першы зборнiк песень "Я — зорка", якi арганiзатары плануюць выпускаць штоквартальна. А завершыцца конкурс у студзенi гэтага года вялiкiм канцэртам прызёраў усiх тураў у палацы "Україна". Пераможцам i дыпламантам абяцана мноства прызоў, сярод якiх — запiс у прафесiйнай студыi, здымкi клiпа, дуэт з "зоркай" або песня вядомага аўтара ў падарунак.
-
12 гадоў пазбаўлення волi з канфiскацыяй маёмасцi i адбываннем пакарання ў папраўчай калонii ўзмоцненага рэжыму атрымаў грамадзянiн Лiтвы Барысас Заблоцкiс 1969 года нараджэння. Касацыйная скарга пакiнутая без задавальнення.
-
У нядзелю ў Варшаве адбылася жараб'ёўка адборачнага турнiру чэмпiянату Еўропы па футболе, фiнал якога адбудзецца ў 2012 годзе ў Польшчы i ва Украiне. Зборная Беларусi трапiла ў групу D разам з камандамi Францыi, Румынii, Боснii i Герцагавiны, Албанii i Люксембурга.
-
Няўжо Мiнiстэрства культуры i цяпер не звернецца ў пракуратуру? Гэтую тэму "Звязда" адсочвае ад пачатку лiстапада. Пачалося з таго, што прадпрыемства "Мiнская спадчына" ледзьве не зруйнавала помнiк архiтэктуры — дом ХIХ стагоддзя па вулiцы Рэвалюцыйная, 24а ў Мiнску, не маючы на гэта адпаведнага дазволу. Працы прыпынiлi, "Мiнская спадчына" атрымала ўрэшце дазвол, у якiм чорным па белым было прапiсана "весцi разборку ручным спосабам".
-
Пытаннi далейшай актывiзацыi беларуска-германскага ўзаемадзеяння, а таксама развiцця адносiнаў па лiнii Беларусь — ЕС былi абмеркаваны ў час вiзiту ў Германiю мiнiстра замежных спраў Рэспублiкi Беларусь Сяргея Мартынава, паведамiлi карэспандэнту БЕЛТА ў прэс-службе МЗС
-
Мiнiяцюрны зламыснiк, якi пранiкаў у чужыя кватэры праз форткi, не абмiнуў кватэры i сваёй бабулi. Паводле звестак прэс-афiцэра Цэнтральнага РУУС Кацярыны Лiсiцкай, 21-гадовы мiнчанiн, якi вызвалiўся толькi напярэдаднi гэтага года з месцаў пазбаўлення волi, залез у жыллё да пенсiянеркi i выкраў адтуль замарожаную курыцу, жаночыя боты i iншыя рэчы на суму каля 820 тысяч рублёў.
- 1
- 2