Асіповічы: коратка аб розным. 21.by

Асіповічы: коратка аб розным

12.07.2019 — Разное |  
Размер текста:
A
A
A

Источник материала:

Вызначаны пераможцы раённага фотаконкурсу «Зямля пад белымі крыламі», які правёў народны фотаклуб «Раніца». У намінацыі «Прыгажосць роднага краю» І месца ў Максіма Марчанкі, ІІ — у братоў Яўгена і Дзяніса Ерашэвічаў, а трэцяе падзялілі Ксенія Сазановіч і Антаніна Трыфанава. Дыплом за ўдзел і памятны падарунак — у Маргарыты Колас. У намінацыі «Нашы землякі» першай стала Дар’я Хмялёва, на другой прыступцы Аліна Рабаконь і Павел Логвін, за імі — Анатоль Мікуліч і Алеся Вясёлкіна. Таксама заахвочаны Вячаслаў Шынкароў і Ганна Войтава. Упершыню ў конкурсе была ўзнагарода “Гран-пры” за серыю работ — яе атрымаў Кірыл Штэмпель. Па выніках творчага першынства ў РЦК аформлена фотавыстава.

Тры тоны квасу выпушчана сёлета працаўнікамі ААТ «Асіповіцкі хлебазавод» — удвая больш леташніх аб’ёмаў. Для зручнасці спажыўцоў прадпрыемствам набыта спецыяльная мабільная бочка. Цяпер падчас спякотнага надвор’я наталіць смагу смачным і карысным напоем можна будзе каля вакзала, побліз «Сіці Мола», на міні-рынку на паўднёвым баку горада. Квас ёсць у продажы ў фірменных гандлёвых кропках на рынку і каля прахадной завода.

Амаль 20 тысяч трохлітровых слоікаў агуркоў сышло з канвеера ААТ «Асіповіцкі кансервавы завод» з пачатку сезона. Вітамінная прадукцыя закатваецца на лімоннай кіслаце, таму прыгодная ў тым ліку і для дзіцячага харчавання. Сыравіна пастаўляецца з Лунінецкага і Столінскага раёнаў.

Аддзяленне па грамадзянстве і міграцыі РАУС паведамляе, што з 16 па 19 ліпеня на тэрыторыі раёна праводзяцца аператыўна-прафілактычныя мерапрыемствы і спецаперацыі па супрацьдзеянні незаконнай міграцыі і гандлю людзьмі “Нелегал-лета 2019”.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Вызначаны пераможцы раённага фотаконкурсу «Зямля пад белымі крыламі», які правёў народны фотаклуб «Раніца». У намінацыі «Прыгажосць роднага краю» І...
 
 
 

РЕКЛАМА

Архив (Разное)

РЕКЛАМА


Яндекс.Метрика