Зжата пятая частка мсціслаўскай нівы. 21.by

Зжата пятая частка мсціслаўскай нівы

31.07.2019 — Разное |  
Размер текста:
A
A
A

Источник материала:

На хлебныя палеткі Мсціслаўшчыны кожны дзень выходзіць каля 80 камбайнаў, паўсотні адзінак тэхнікі занята на адвозцы збожжа на зернесушыльныя комплексы. Сярод лідараў жніва ААТ «МушынаАгра» і «Мсціслаўскае райаграпрамтэхзабеспячэнне», у якіх убрана адпаведна 33% і 28% плошчаў. Адначасова гаспадаркі вядуць прэсаванне саломы, падрыхтоўку ўчасткаў пад азімую сяўбу, актыўна ўключыліся ў выкананне плану дзяржзаказу па продажы хлеба.

Адносна невялікая плошча зерневых і зернебабовых у 1260 гектараў, якую належыць убраць хлебаробам ААТ «Кастрычнік», — не падстава расслабляцца. Гэта добра ведае і кіраўніцтва гаспадаркі, і тыя, хто непасрэдна ўбірае ўраджай. Камбайнеры, вадзіцелі, калі дазваляе надвор’е, гатовы працаваць дацямна.

У сельгаспрадпрыемстве надаюць значную ўвагу культуры землекарыстання, пагэтаму не пакідаюць участкі каля пустуючых дамоў, уводзяць іх у севазварот. Менавіта такія ўчасткі ў Сапрынавічах убіралі ў панядзелак два камбайны.

На адным з іх працаваў дружны экіпаж — старшы камбайнер Віктар Казлоў і камбайнер Вячаслаў Янчанкаў. На іх рахунку больш за 300 тон збажыны.

▪ У камбайнераў Вячаслава Янчанкава і Віктара Казлова з ААТ «Кастрычнік» з добрымі намалотамі і настрой выдатны.
Фота Валянціны Краўцовай.

— Разам выходзім на жніво шосты сезон, — расказвае Віктар Рыгоравіч. — Падрыхтавалі свой КЗР-1218, якому 8 год, але ён у добрым стане, не падвядзе. За ўчарашні дзень на ячменным палетку намалацілі 108 тон. Думаем, што мінулагодні паказчык перакрыем.
У ААТ «Кастрычнік» убрана 23% плошчаў зерневых і зернебабовых пры сярэдняй ураджайнасці 50,7 цэнтнера з гектара.

— Сёлетні год не самы прыдатны для зерневых і зернебабовых па ўмовах надвор’я, — разважае намеснік дырэктара гаспадаркі па асноўнай дзейнасці Аляксандр Ігнаценка, які цэлы дзень знаходзіцца ў полі. — Некаторыя ўчасткі азімых культур перазімавалі не вельмі добра. У красавіку і пачатку мая было вельмі суха, затым — спякотны чэрвень. Тым не менш пры належным догля-дзе, своечасовым унясенні неабходных угнаенняў і праполцы мінулагодні ўраджай павінны ўзяць. Хлеб на палях ёсць, а ў нас ёсць усе магчымасці яго сабраць, — падводзіць вынікі гаворкі Аляксандр Іванавіч.

Валянціна КРАЎЦОВА.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
На хлебныя палеткі Мсціслаўшчыны кожны дзень выходзіць каля 80 камбайнаў, паўсотні адзінак тэхнікі занята на адвозцы збожжа на зернесушыльныя комплексы. Сярод...
 
 
 

РЕКЛАМА

Архив (Разное)

РЕКЛАМА


Яндекс.Метрика